Luk 23:34 - Yesus Aqa Anjam Bole

³⁴ Yesus a ŋamburbas goge di sosiqa a endegsi Qotei pailyej, “O Abu, ni na naŋgo une di kobotime. Naŋgi une yonub di naŋgi qaliesai.” Ariya qaja tamo naŋgi Yesus aqa gara eleŋqa marsib gilteleŋeb. Osib meniŋ silali alaŋeb. Tamo yai aqa meniŋ na buŋnjrqas a na gara oqas. Degsib marsib meniŋ silali alaŋosib gara eleŋeb.

Luk 23:34 ပူးပေါင်းရင်းမြစ်များ

Matyu 11:25

Bati deqa Yesus a endegsi Qotei pailyej, “O Abu, ni segi laŋ qa ti mandam qa ti Koba. Deqa e ni biŋimosim ino ñam soqtonum. Di kiyaqa? Ijo anjam e na tamo uŋgasari naŋgi minjreqnum qaji di ni na tamo powo ti unub qaji naŋgi qa ulitoqnsimqa tamo aŋgro du du bul naŋgi segi qa babteqnam naŋgi poinjreqnu.

Matyu 11:26

Od, Abu, ni ino segi areqalo dauryosim agi degyeqnum.”

Matyu 5:44

Ariya e na dal anjam di buŋyosiy niŋgi endegsi merŋgwai. Niŋgi nuŋgo jeu tamo naŋgi dego qalaqalainjroqniye. Tamo qudei naŋgi na niŋgi ugeugeiŋgibqa niŋgi na olo naŋgi qa Qotei pailyoqniye.

Mak 15:24

Onaqa qaja tamo naŋgi na Yesus osib ŋamburbasq di qameb. Qamsib Yesus aqa gara eleŋqa marsib gilteleŋeb. Gilteleŋosib meniŋ silali alaŋeb. Tamo yai aqa meniŋ na buŋnjrqas a na gara oqas. Degsib marsib meniŋ silali alaŋosib gara eleŋeb.

Luk 22:42

A endegsi pailyej, “O Abu, ni na marimqa gulube endi e qa baiq.” Degsi pailyosiqa olo urur are qalsiq endegsi pailyej, “Uŋgum, ni ijo areqalo dauryaim. Ni ino segi areqalo dauryosim ye.”

Jon 17:9

“E naŋgi qa osim ni pailmonum. Mandam endeqa tamo uŋgasari kalil naŋgi qa e ni pailmosai. Tamo uŋgasari ni na e ebem qaji naŋgi segi qa osim ni pailmonum. Di kiyaqa? Naŋgi ino segi tamo uŋgasari unub deqa.

Jon 19:11

Onaqa Yesus na Pailat minjej, “Qotei laŋ qureq di unu qaji a na ni siŋgila emosai qamu ni na e kumbra bei ebqa keresai qamu. Deqa ino une kiñala. Ariya atra tamo gate agi e ojsiq ino baŋq di atqo qaji aqa une kobaquja.”

Aposel 3:17

“O gago was niŋgi quiye. E qalieonum, niŋgi ti nuŋgo gate kokba ti Yesus Kristus qa poiŋgosai deqa a qaleb.

Aposel 7:60

Degsi pailyosiqa siŋga tombol na awoosiq tulaŋ koba maosiq marej, “O Tamo Koba Yesus, naŋgi e lubonub naŋgo une deqa marsim kambatnjraime. Naŋgo une di kobotetnjrime.” A degsi pailyosiqa moiej.

Rom 12:14

Tamo qudei naŋgi na niŋgi ugeugeiŋgibqa di uŋgum, niŋgi kamba olo naŋgi ugeugeinjraib. Niŋgi naŋgi qa pailyoqniye. Od, Qotei na naŋgi aqaryainjrqajqa deqa are qalsib naŋgi qa pailyoqniye. Qotei na naŋgi ugetnjrqajqa deqa pailyaib.

1 Korin 2:8

Aqa powo di mandam qaji tamo kokba naŋgi kalil poinjrosaieqnu. Naŋgi poinjrej qamu naŋgi Tamo Koba Yesus laŋ qureq di unu qaji a osib ŋamburbasq di qamosai qamu.

1 Korin 4:12

Iga ŋes ti gago segi baŋ na ti wauoqnsim unum. Tamo qudei naŋgi na iga misiliŋgeqnub. Ariya iga kamba naŋgi qa olo pailyeqnum. Tamo qudei naŋgi na iga ugeugeigeqnab iga na kamba naŋgi ugeugeinjrosaieqnum. Iga medabu getentosim gulube di qoboiyeqnum.

1 Timoti 1:13

Bole, nami e Yesus aqa ñam misiliŋyoqnsim a jeutoqnsim a qa anjam uge maroqnem. Ariya e qalie, e nanari tamo sosim a qa ijo areqalo siŋgilatosaioqnem deqa e kumbra di yoqnem. Deqa bati di a e qa olo dulej.

1 Pita 3:9

Ariya tamo qudei naŋgi na niŋgi kumbra uge eŋgibqa niŋgi na kamba naŋgi kumbra uge enjraib. Naŋgi na niŋgi misiliŋgoqnsib anjam uge merŋgibqa niŋgi na kamba anjam uge minjraib. Niŋgi kamba naŋgi qa oqnsib Qotei pailyoqniye. Qotei a niŋgi kumbra degyqa osiqa niŋgi metŋgej. Deqa niŋgi kumbra bole degyibqa Qotei a na kamba niŋgi kumbra bole eŋgoqnqas.