Luk 23:13 - Yesus Aqa Anjam Bole

^13-14 Onaqa Pailat na atra tamo kokba ti Juda gate kokba ti tamo uŋgasari kalil naŋgi ti metnjrnaqa aqa areq bosib koroonabqa endegsi minjrej, “Niŋgi Yesus osib ijo areq di tigeltosib merbonub, ‘Tamo endena tamo uŋgasari naŋgi kumbra uge uge yqajqa deqa areqalo tigeltetnjreqnu.’ Ariya niŋgi quiye. Yesus a segi ijo areq di tigelesonaqa aqa kumbra deqa e na geregere nenemyonumqa niŋgi quonub. Ariya anjam kalil niŋgi aqa jejamuq di qameqnub qaji di e quonum ugeibqo. E aqa jejamuq di une bei itosai.

Luk 23:13 ပူးပေါင်းရင်းမြစ်များ

Mak 15:14

Onaqa minjrej, “Kiyaqa Yesus qalit moiqas? A une kie yqo deqa a ŋamburbasq di qamqai?” Degsi minjrnaqa naŋgi olo tulaŋ koba murqumyoqnsib waiŋyoqnsib minjoqneb, “Ni na Yesus ŋamburbasq di qame.”

Luk 23:35

Ariya tamo uŋgasari kalil naŋgi tigelesosib Yesus koqyeqnabqa Juda gate kokba naŋgi na Yesus misiliŋyosib maroqneb, “A na tamo uŋgasari naŋgi aqaryainjroqnej. Ariya a na aqa segi jejamu aqaryaiyqa keresai. A segi Kristus boleamqa a na aqa segi jejamu aqaryaiyosim ŋamburbas uratosim mandamq aiem.”

Luk 24:20

Ariya a kumbra degyeqnaqa atra tamo kokba ti gago gate kokba naŋgi ti a ojsib Rom naŋgo tamo kokba naŋgo baŋq di ateb. Atnabqa naŋgi na a osib tigeltosib minjeb, ‘Ni une tamo. Deqa ni moiqam.’ Degsi minjsib a osib ŋamburbasq di qalnab moiej.

Jon 12:42

Bole, Juda tamo kokba gargekoba naŋgi are bulyosib Yesus qa naŋgo areqalo siŋgilateb. Ariya naŋgi Farisi naŋgi ulainjrsib deqa naŋgi boleq na Yesus aqa ñam marosaioqneb. Naŋgi are qaleb, “Iga boleq na Yesus aqa ñam marqom di Farisi naŋgi na iga Qotei tal miligiq gilqa saidgwab.”

Jon 18:38

Onaqa Pailat na minjej, “Anjam bole di kie?” Osiqa Pailat a olo tigelosiq oqedosiqa Juda tamo kokba naŋgoq gilsiqa minjrej, “E tamo endi aqa jejamuq di une bei unosai.

Jon 19:4

Onaqa Pailat a Yesus olo osiqa aqa talq dena oqeq atsiqa tamo uŋgasari naŋgo ulatamuq dia tigeltej. Tigeltosiq minjrej, “Niŋgi tamo endi uniye. E aqa jejamuq di une bei yala unosaibolesai. Niŋgi di qalieqajqa deqa e Yesus niŋgi qa osi bonum.”

Jon 3:1

Jerusalem dia tamo bei soqnej aqa ñam Nikodemus. A Farisi tamo. A Juda naŋgo gate bei.

Jon 7:26

Niŋgi uniye. A boleq na anjam mareqnaqa naŋgi a anjam bei minjosaieqnub. Naŋgi qalieonub kio, tamo di a Kristus?

Jon 7:48

Niŋgi uniye. Juda tamo koba bei Yesus qa aqa areqalo siŋgilatosai. Farisi tamo bei dego Yesus qa aqa areqalo siŋgilatosai. Sai bolesai.

Aposel 13:27

Tamo uŋgasari kalil Jerusalem qureq di unub qaji naŋgi ti naŋgo gate kokba ti naŋgi na Yesus tigeltosib aqa jejamu laŋa gisaŋyosib a qalib moiqajqa anjam kereteb. Di kiyaqa? Yesus a bole Kristus Qotei na qariŋyej qaji di naŋgi poinjrosai deqa. Qotei aqa medabu o tamo naŋgo anjam yori bati gaigai sisiyeqnub qaji di aqa damu dego naŋgi poinjrosai. Utru deqa naŋgi na Yesus tigeltosib aqa jejamu laŋa gisaŋyosib a qalib moiqajqa anjam keretosib qalnab moiej. Naŋgo kumbra dena naŋgi Qotei aqa medabu o tamo naŋgo anjam nami neŋgreŋyeb qaji di dauryosib yeb.

Aposel 3:17

“O gago was niŋgi quiye. E qalieonum, niŋgi ti nuŋgo gate kokba ti Yesus Kristus qa poiŋgosai deqa a qaleb.

Aposel 4:5

Nebeonaqa Juda naŋgo gate kokba ti tamo bole bole ti dal anjam qalie tamo naŋgi ti bosib Jerusalem di koroeb.

Aposel 4:8

Onaqa Qotei aqa Mondor a Pita aqa miligiq aisiq medabu siŋgilatetonaqa a na naŋgi endegsi minjrej, “O Israel gate ti tamo bole bole ti niŋgi ijo anjam endi quiye. Aqo aiyel na tamo siŋga qandamo boletem deqa niŋgi na iga osib nuŋgo ŋamgalaq di tigeltgonub. Tamo di a kiersi boleej deqa niŋgi qalieqa osib nenemgonub.