Luk 22:37 - Yesus Aqa Anjam Bole

³⁷ Niŋgi quiye. Qotei aqa anjam bei nami e qa neŋgreŋyeb qaji di aqa damu brantqas. Agi nami e qa anjam endegsib neŋgreŋyeb, ‘Tamo uŋgasari naŋgi Kristus unsib marqab, “A dego une tamo. Deqa a une tamo naŋgi koba na gaiŋesqab.” ’ Degsib e misiliŋbqab. Yimqa Qotei aqa anjam kalil nami e qa neŋgreŋyeb qaji di aqa damu brantqas.”

Luk 22:37 ပူးပေါင်းရင်းမြစ်များ

Mak 15:27

Bati deqa bajiŋ tamo aiyel dego ŋamburbasq di gaintnjrsib ñumeb. Bei Yesus aqa baŋ woq di qameb. Bei Yesus aqa baŋ qonaŋq di qameb.

Mak 15:28

Naŋgi kumbra di yeb deqa Qotei aqa anjam bei nami neŋgreŋyeb qaji di aqa damu brantej. Agi endegsib neŋgreŋyeb, “Tamo uŋgasari naŋgi Kristus unsib marqab, ‘A dego une tamo. Deqa a une tamo ti gaiŋesqab.’”

Luk 18:31

Yesus a na aqa aŋgro 12-pela naŋgi anjam degsi minjrsiq koboonaqa naŋgi joqsiqa segitnjrsiqa endegsi minjrej, “Niŋgi quiye. Iga Jerusalem aieqnum. E Tamo Aŋgro deqa Jerusalem dia anjam kalil Qotei aqa medabu o tamo naŋgi nami e qa neŋgreŋyeb qaji di aqa damu brantqas.

Luk 22:22

E Tamo Aŋgro. Deqa Qotei na nami merbej, ‘Ni moiqam.’ A degsi merbej deqa e aqa anjam di dauryosiy moiqai. Ariya tamo e osim jeu tamo naŋgo baŋq di atqas qaji a tulaŋ padalougetqas.”

Luk 22:36

Onaqa a na minjrej, “Ariya bini e anjam bei olo beltsiy merŋgwai. Nuŋgo silali bei soqnimqa oiye. Nuŋgo qaquŋ bei soqnimqa di dego oiye. Niŋgi sebru saiamqa nuŋgo gara jugo bei qariŋyib tamo bei na silali eŋgim dena sebru awaiyiye.

Luk 22:52

Osiqa atra tamo kokba ti atra tal taqato tamo naŋgi ti Juda tamo bole bole ti naŋgi minjrej, “E leŋ ojo tamo deqa kio niŋgi sebru ti torom ti eleŋosib e ojqa bonub e?

Luk 23:32

Ariya qaja tamo naŋgi na Yesus osi giloqnsibqa bajiŋ tamo aiyel naŋgi dego ŋamburbasq di ñumib moreŋqajqa deqa koba na joqsib giloqneb.

Luk 24:27

Yesus a naŋgi degsi minjrsiqa a segi qa anjam kalil nami neŋgreŋyeleŋeb qaji di sainjrsiq Moses aqaq dena utru atsiq gilsiq Qotei aqa medabu o qaji tamo naŋgo anjam kalil nami a qa neŋgreŋyeleŋeb qaji di geregere plaltosiq minjroqnej.

Jon 10:35

Agi nami Qotei a tamo naŋgi endegsi minjrej, ‘Niŋgi qotei.’ Qotei aqa anjam kalil neŋgreŋq di unu qaji di iga olo bulyqa keresai.

Jon 17:4

“Ino ñam koba ti ino siŋgila ti di e na tamo uŋgasari mandamq endi unub qaji naŋgi osornjroqnem. Osim wau kalil ni na e yqajqa ebem qaji agi yekritem.

2 Korin 5:21

Kristus a une yosaieqnu. Ariya Qotei na iga aqaryaigwa marsiq deqa a gago une kalil osiqa Kristus aqa qawarq di atnaqa a une tamo bulej. Iga Yesus beteryosim aqa siŋgila na iga Qotei aqa segi tamo uŋgasari tiŋtiŋ sqajqa deqa osiq gago une kalil osiqa Kristus aqa qawarq di atej.

Galesia 3:13

Ariya dal anjam a marqo, iga dal anjam kalil torei dauryqasai di Qotei na iga tamo uge qa marsim padaltgwas. Ariya Kristus a na iga aqaryaigwa marsiq deqa a gago sawa osiqa a segi Qotei aqa ŋamgalaq di tamo uge bulosiqa iga qa padalej. Agi Qotei aqa anjam bei nami endegsib neŋgreŋyeb unu, “Tamo kalil ŋamtaŋ goge di gaiŋejunub qaji naŋgi di Qotei na tamo uge qa marsim padaltnjrqas.”