Luk 22:30 - Yesus Aqa Anjam Bole

³⁰ Yimqa niŋgi e koba na awoeleŋosib iŋgi ti ya ti uyoqnqab. Osib niŋgi awo jaram kokbaq dia awoosib Israel naŋgo moma 12-pela naŋgo leŋ kalil naŋgi taqatnjroqnqab.”

Luk 22:30 ပူးပေါင်းရင်းမြစ်များ

Matyu 19:28

Onaqa Yesus na minjrej, “Niŋgi quiye. E bole merŋgwai. Mondoŋ Qotei a laŋ bunuj ti mandam bunuj ti atimqa bati deqa e Tamo Aŋgro ñam kobaquja osiy ijo segi awo jaram kobaq di awesqai. Sosiyqa niŋgi tamo uŋgasari e daurbeqnub qaji metŋgitqa niŋgi dego awo jaram kokba 12-pelaq di awoeleŋqab. Awoeleŋosib Israel naŋgo moma 12-pela naŋgo leŋ kalil naŋgi taqatnjroqnqab.

Matyu 5:3

“Tamo uŋgasari qudei naŋgi endegsi poinjrqo, naŋgi Qotei aqa ŋamgalaq di tulaŋ keresai. Naŋgi degsi poinjrqo deqa naŋgi tulaŋ areboleboleinjreme. Di kiyaqa? Qotei laŋ qureq di unu qaji a naŋgo Mandor Koba sosim naŋgi taqatnjrqas.

Matyu 8:11

“Deqa e niŋgi endegsi merŋgwai. Sawa bei bei qaji tamo uŋgasari tulaŋ gargekoba naŋgi sawa guta na guma na ti bosib koroeleŋosib Abraham, Aisak, Jekop naŋgi koba na awoosib iŋgi uyqab. Yimqa Qotei laŋ qureq di unu qaji a naŋgo Mandor Koba sosim naŋgi taqatnjrqas.

Luk 12:37

Tal lanja aqa wau tamo naŋgi a qa tariŋosib ŋam atoqnibqa bosim degsi unjrimqa naŋgi tulaŋ areboleboleinjrqas. Deqa a na naŋgi minjrim awoeleŋabqa iŋgi anainjroqnqas.

Luk 14:15

Yesus a anjam degsi marnaqa tamo bei Yesus ombla awoosib iŋgi uyoqneb qaji a anjam di qusiqa minjej, “Mondoŋ Qotei na aqa segi tamo uŋgasari naŋgi taqatnjrsim naŋgo Mandor Koba sosimqa a na naŋgi iŋgi anainjrim awoosib koba na iŋgi uyqab. Deqa naŋgi tulaŋ areboleboleinjrim sqab.”

2 Timoti 2:12

Iga siŋgila na tigeloqnsim gulube kalil qoboiyoqnsim unum deqa mondoŋ iga Kristus ombla mandor kokba sqom. Ariya iga a qoreiyqom di a na kamba iga qoreigwas.

Jems 1:1

E Jems. E Qotei wo Tamo Koba Yesus Kristus wo naŋgo wau tamo. Niŋgi Israel naŋgo moma utru 12-pela naŋgo leŋ deqaji. Niŋgi nuŋgo segi segi qure utru uratosib jaraiosib sawa sawa kalil keretosib di unub. Deqa e na anjam endi neŋgreŋyosim niŋgi qa qariŋyonum. O was niŋgi kaiye.

Uli Anjam 19:9

Onaqa laŋ aŋgro dena olo merbej, “Ni anjam endegsim neŋgreŋye, ‘Kaja Du aqa uŋa baŋ ojqa batiqo deqa aqa Abu Qotei na iŋgi koba goiqo. Goisiq aqa segi tamo uŋgasari naŋgi metnjrqo-qa iŋgi uyqa bonub. Bonub qaji naŋgi tulaŋ areboleboleinjrqas.’” Osiqa merbej, “Anjam endi Qotei aqa anjam bole.”

Uli Anjam 3:21

Tamo a Satan ombla qotsim siŋgilaqas di e na minjitqa aqo ombla ijo awo jaram kobaq di awoqom. Nami e segi qoto siŋgilaosimqa aqo ijo Abu wo aqa awo jaram kobaq di awoem dego kere.

Uli Anjam 4:4

Ariya e olo ŋam atsimqa awo jaram kokba 24 unjrem. Awo jaram kokba 24 dena Qotei aqa awo jaram ambletesoqneb. Gate kokba 24 naŋgi awo jaramq di awoeleŋesoqneb. Naŋgi gara qat olekokba jigeleŋosib mandor kokba naŋgo gate tatal wala ti gol na gereiyo qaji di ateleŋosib soqneb.