Luk 22:29 - Yesus Aqa Anjam Bole

²⁹ Ijo Abu na e Mandor Koba atej deqa e na kamba niŋgi mandor kokba ateleŋqai.

Luk 22:29 ပူးပေါင်းရင်းမြစ်များ

Matyu 24:47

Deqa niŋgi quiye. E bole merŋgwai. Wau tamo di a wau bole yej deqa tal lanja na aqa iŋgi iŋgi kalil osim aqa baŋq di atim a na taqatoqnqas.

Matyu 25:21

Onaqa aqa tamo koba na minjej, ‘Ni kaŋgal tamo bolequja. Ni wau kiñala geregere taqatonum deqa e na wau gargekoba olo ino baŋq di uratitqa ni na taqatoqnqam. Deqa ni bosim e ombla areboleboleigim sqom.’

Matyu 25:34

Osiyqa tamo bole ijo baŋ woq di unub qaji naŋgi endegsi minjrqai, ‘Ijo Abu a niŋgi qa tulaŋ areboleboleiyqo. Nami a mandam atej bati deqa a nuŋgo Mandor Koba sosim niŋgi taqatŋgwajqa marej. Deqa niŋgi ijoq boiye. Babqa ijo Abu a nuŋgo Mandor Koba sosim niŋgi taqatŋgwas.

Matyu 28:18

Ariya Yesus a naŋgo areq gilsiqa minjrej, “E na mandam ti laŋ ti taqatqajqa deqa ijo Abu na siŋgila kalil ijo baŋq di atqo.

Matyu 5:10

“Tamo uŋgasari qudei naŋgi kumbra bole bole yeqnub deqa jeu tamo naŋgi na olo naŋgi gulube enjreqnub. Tamo uŋgasari naŋgi di tulaŋ areboleboleinjreme. Di kiyaqa? Bunuqna Qotei na naŋgi taqatnjrsim naŋgo Mandor Koba sqas.

Matyu 5:3

“Tamo uŋgasari qudei naŋgi endegsi poinjrqo, naŋgi Qotei aqa ŋamgalaq di tulaŋ keresai. Naŋgi degsi poinjrqo deqa naŋgi tulaŋ areboleboleinjreme. Di kiyaqa? Qotei laŋ qureq di unu qaji a naŋgo Mandor Koba sosim naŋgi taqatnjrqas.

Luk 12:32

Osiqa Yesus a olo anjam endegsi minjrej, “O ijo kaja du du niŋgi ulaaib. Nuŋgo Abu a nami niŋgi qa osiqa endegsi merŋgej, ‘E nuŋgo Mandor Koba sosiy niŋgi taqatŋgwai.’ Qotei a nami degsi merŋgej.

Luk 19:17

Onaqa aqa tamo koba na minjej, ‘Ni wau tamo bolequja. Ni wau kiñala geregere taqatonum deqa e na qure kokba 10-pela olo ino baŋq di uratitqa ni na taqatnjroqnqam.’

1 Korin 9:25

Tamo gurgureqnub qaji naŋgi awai oqa marsib deqa gurgur qalieqa osib mati naŋgo segi jejamu siŋgilateqnub. Yim gurgur batiamqa naŋgi siŋgila na gurgurqab. Ariya naŋgo awai di mandam qaji awai. Deqa naŋgo awai di koboqas. Ariya laŋ qaji awai iga oqa mareqnum qaji di koboqasai. Di gaigai sqas.

2 Korin 1:7

Iga niŋgi qa gago areqalo siŋgilatosim endegsi maronum, niŋgi siŋgila na tigelesqab. Iga qalieonum, niŋgi iga ti beterosib jaqatiŋ eqnum deqa Qotei na niŋgi ti iga ti gago are latetgoqnqas.

2 Timoti 2:12

Iga siŋgila na tigeloqnsim gulube kalil qoboiyoqnsim unum deqa mondoŋ iga Kristus ombla mandor kokba sqom. Ariya iga a qoreiyqom di a na kamba iga qoreigwas.

Jems 2:5

O ijo was bole, niŋgi quiye. Qotei a tamo iŋgi iŋgi saiqoji unub qaji naŋgi qa osiqa giltnjrej. Yim naŋgi a qa naŋgo areqalo siŋgilaboletibqa a na naŋgi taqatnjrsim naŋgo Mandor Koba sqajqa deqa. Agi Qotei a nami endegsi marej, “Tamo uŋgasari e qalaqalaibeqnub qaji naŋgi e na taqatnjrsiy naŋgo Mandor Koba sqai.” Ariya mandam endeqaji tamo uŋgasari naŋgi mareqnub, “Tamo iŋgi iŋgi saiqoji unub qaji naŋgi tamo uge.”

1 Pita 5:4

Niŋgi kumbra degyibqa mondoŋ kaja naŋgo Mandor Koba Yesus a laŋ qureq na olo brantimqa bati deqa niŋgi awai tulaŋ boledamu oqab. Awai di ugeqa keresai. Gaigai sqas.

Uli Anjam 21:14

Meniŋ kokba 12-pela na dadaŋ aqa utru siŋgilateb. Meniŋ quraq di tamo 12-pela Kaja Du na qariŋnjrnaq aqa anjam marsib laqneb qaji naŋgo ñam atnab soqneb.