Luk 22:18 - Yesus Aqa Anjam Bole

¹⁸ Niŋgi quiye. E wain endi olo uyqasai. Degsi gilsiy gilsiy mondoŋ Qotei a nuŋgo Mandor Koba soqnimqa e olo uyqai.”

Luk 22:18 ပူးပေါင်းရင်းမြစ်များ

Matyu 16:18

Deqa e ni endegsi mermqai. Ni Pita. Ino ñam di aqa damu, ‘Meniŋ’. Ni e Qotei aqa Ŋiri qa merbonum. Ino anjam di meniŋ bul tulaŋ siŋgila koba. Deqa e na ijo segi tamo uŋgasari kalil naŋgi koroinjritqa naŋgi meniŋ quraq dia tigelesqab. Yimqa Moio aqa siŋgila na naŋgi ugetnjrqa keresai.

Matyu 26:29

Ariya niŋgi quiye. E wain endi olo uyqasai. Degsi gilsiy gilsiy mondoŋ diŋo bati qa ijo Abu a nuŋgo Mandor Koba soqnimqa e niŋgi koba na awoosiy olo wain bunuj uyqai.”

Mak 14:23

Osiqa wain osiqa gambaŋq di bilentosiqa Qotei pailyosiqa aqa aŋgro naŋgi enjrnaqa naŋgi kalil osib uyeb.

Mak 14:25

Ariya niŋgi quiye. E bole merŋgwai. E wain endi olo uyqasai. Degsi gilsiy gilsiy mondoŋ diŋo bati qa Qotei a nuŋgo Mandor Koba soqnimqa bati deqa e olo wain bunuj uyqai.”

Mak 15:23

Di brantosib qaja tamo naŋgi na wain ya ti kial aqa ya isa koba de ti bulyosib Yesus anaiyonab uyo oneiyonaq ugeiyonaq uratej.

Mak 9:1

Osiqa minjrej, “Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa Qotei a siŋgila ti bosim nuŋgo Mandor Koba sosim niŋgi taqatŋgesoqnim niŋgi unqab.”

Luk 21:31

Dego kere kumbra kalil e na merŋgonum qaji endi brantimqa niŋgi unsibqa endegsi poiŋgem, ‘Bole, Qotei na aqa segi tamo uŋgasari naŋgi taqatnjrsim naŋgo Mandor Koba sqajqa bati agi jojomqo.’

Luk 22:16

E niŋgi merŋgwai. E iŋgi endi olo uyqasai. Degsi gilsiy gilsiy mondoŋ Qotei a nuŋgo Mandor Koba soqnimqa iŋgi endi aqa utru e na geregere babtosiy olo uyqai.”

Luk 9:27

Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa Qotei a bosim naŋgi taqatnjresoqnim naŋgi unqab.”

Kolosi 1:13

Nami iga ambruq di soqnem. Ambru aqa siŋgila dena iga taqatgesoqnej. Onaqa bunuqna Qotei na iga ambruq dena eleŋosiqa aqa segi Ŋiri qujai tulaŋ qalaqalaiyeqnu qaji aqa sorgomq di iga atej. Deqa bini Yesus a gago Mandor Koba sosiqa iga taqatgejunu.