Luk 21:37 - Yesus Aqa Anjam Bole

³⁷ Bati gaigai qanam Yesus a atra tal miligiq di sosiqa tamo uŋgasari naŋgi Qotei aqa anjam palontosiq minjroqnej. Qoloeqnaqa a olo qure uratoqnsiqa mana ñam Oliv dia ŋeioqnej.

Luk 21:37 ပူးပေါင်းရင်းမြစ်များ

Matyu 21:1

Ariya Yesus aqa aŋgro naŋgi koba na walwelosib aisib Jerusalem qure jojomyosib Betfage qureq di branteb. Betfage qure agi Oliv mana utruq di unu. Di brantosib Yesus na aqa aŋgro aiyel qariŋnjrsiqa minjrej,

Matyu 21:17

Yesus a naŋgi degsi minjrsiq koboonaqa a tigelosiq Jerusalem qure uratosiq Betani qureq aiej. Ainaq dia qoloonaq ŋeiej.

Matyu 26:30

Yesus a na aqa aŋgro naŋgi anjam degsi minjrsiqa naŋgi koba na louosib koboonaqa tal uratosib Oliv manaq oqeb.

Matyu 26:55

Yesus a na aqa aŋgro di degsi minjsiqa olo qaja tamo naŋgi minjrej, “E leŋ ojo tamo deqa kio niŋgi sebru ti torom ti eleŋosib e ojqa bonub? E bati gaigai atra tal miligiq dia niŋgi koba na sosimqa tamo uŋgasari naŋgi Qotei aqa anjam minjroqnem bati deqa niŋgi yala baŋ waiysib e ojosai.

Mak 11:12

Nebeonaqa naŋgi olo tigelosib Betani qure uratosib gileb. Naŋgi giloqnsibqa gamq di Yesus a mamyej.

Mak 11:19

Ariya bilaqtonaqa Yesus aqa aŋgro naŋgi koba na olo Jerusalem qure uratosib aieb.

Mak 14:49

E bati gaigai atra tal miligiq dia niŋgi koba na sosimqa tamo uŋgasari naŋgi Qotei aqa anjam palontsim minjroqnem. Bati deqa niŋgi yala baŋ waiysib e ojosai. Niŋgi kumbra di yonubqa Qotei aqa anjam kalil nami neŋgreŋyeleŋeb qaji di aqa damu agi brantqo.”

Luk 19:29

Aisiqa Betfage qure ti Betani qure ti Oliv mana utruq di unub qaji di jojomyosiqa aqa aŋgro aiyel qariŋnjrsiqa minjrej, “Niŋgi aisib qure aiyel dia brantosib donki bei tontonub unu di unqab. Donki di bunuj tamo bei nami aqa quraq di awoosaioqnej qaji. Niŋgi donki di unsibqa sil palontosib titosib osi boiye.

Luk 19:37

Onaqa Yesus a Oliv mana utru jojomyosiqa walwelosi aieqnaqa Yesus aqa aŋgro gargekoba naŋgi a dauryosib aieleŋeb. Yesus a nami maŋwa tulaŋ gargekoba yeqnaqa naŋgi unoqneb. Deqa a donki aqa quraq di awoosiq walwelosi aieqnaqa naŋgi a unsibqa tulaŋ areboleboleinjreqnaqa leleŋoqnsib murqumyoqnsib Qotei aqa ñam soqtoqnsib maroqneb,

Luk 19:47

Yesus a bati gaigai atra tal miligiq giloqnsiq dia tamo uŋgasari naŋgi Qotei aqa anjam palontosiq minjroqnej. Yeqnaqa tamo uŋgasari kalil naŋgi aqa anjam quqwa tulaŋ arearetnjroqnej. Deqa atra tamo kokba ti dal anjam qalie tamo naŋgi ti Juda gate kokba ti naŋgi minjiŋ oqetnjrnaqa Yesus qalib moiqajqa gam ŋamoqneb. Ariya naŋgi tamo uŋgasari naŋgi ulainjrsib deqa naŋgi Yesus ojsib qalqa keresai.

Luk 22:39

Ariya Yesus aqa kumbra gaigai yoqnej qaji di dauryosiqa Jerusalem qure uratosiq Oliv manaq oqej. Aqa aŋgro naŋgi dego a dauryosib oqeb.

Jon 12:1

Ariya Juda naŋgo yori bati koba jojomej. Bati 6-pela amqa brantqas. Deqa Yesus a tigelosiqa Betani qureq gilej. Qure di Lasarus agi Yesus na subq na tigeltej qaji aqa qure utru.

Jon 18:2

Bati gaigai Yesus aqa aŋgro naŋgi koba na nañu agu dia korooqneb. Deqa Yesus aqa aŋgro Judas agi Yesus osim jeu tamo naŋgo baŋq di atqas qaji a nañu agu di qaliesoqnej.

Aposel 1:12

Mana naŋgi soqneb qaji aqa ñam Oliv mana. Mana di Jerusalem qure jojomq di unu. Deqa naŋgi mana dena olo puluosib Jerusalem aisib tal gogetosib naŋgo warum bei gogeqsi naŋgi gaigai soqneb qaji warum deq gileb. Yesus aqa aŋgro warum deq gileb qaji naŋgo ñam agiende. Pita na Jon na Jems na Andru na Filip na Tomas na Bartolomyu na Matyu na Alfius aqa ŋiri Jems na Saimon a nami Rom naŋgi winjrqajqa maroqnej qaji a na Jems bei aqa ŋiri Judas na. Yesus aqa aŋgro 11-pela naŋgi di warum deq gileb.