Luk 21:36 - Yesus Aqa Anjam Bole

³⁶ Deqa niŋgi bati gaigai ŋam atoqnsib Qotei pailyoqnsib soqniye. Qotei pailyoqnsib soqnibqa Qotei na niŋgi siŋgila eŋgoqnimqa kumbra kalil bumbraŋyeleŋqab qaji di nuŋgoq bqasai. Bati deqa e Tamo Aŋgro nuŋgoq botqa niŋgi ijo ulatamuq dia tigelqab.” Yesus a na aqa aŋgro naŋgi anjam degsi minjrej.

Luk 21:36 ပူးပေါင်းရင်းမြစ်များ

Matyu 24:42

E nuŋgo Tamo Koba. E bati gembu bqajqa di niŋgi qaliesai.

Matyu 24:43

Niŋgi are qaliye. Bati gembu bajiŋ tamo bosim tal paratqas di tal lanja a qalieqasai. A nami qalieosiq qamu a ŋam atsiq sonaq qamu bajiŋ tamo bosiq tal paratqa yonaq unsiq wiyej qamu.

Matyu 24:44

Dego kere e Tamo Aŋgro ijo bqajqa bati niŋgi qaliesai. E bosiy niŋgi pruqtŋgaim deqa niŋgi geregere ŋam atsib e qa tariŋosib soqniye.”

Matyu 25:13

Yesus a na aqa aŋgro naŋgi yawo anjam degsi minjrsiqa olo minjrej, “Dego kere niŋgi geregere ŋam atsib soqniye. Di kiyaqa? Ijo bqajqa bati niŋgi qaliesai deqa.”

Matyu 26:41

Niŋgi ŋereŋaib. Niŋgi ŋam sosib pailyoqniye. Amqa gulube bei nuŋgoq bqas dena niŋgi uneq waiŋgwasai. Bole, nuŋgo areqalo kalil e daurbqajqa unu. Ariya niŋgi segi gulube di oqajqa siŋgila saiqoji.”

Matyu 8:20

Onaqa Yesus na minjej, “Bauŋ juwaŋ naŋgi tal ti. Agi sub miligiq di ŋereŋeqnub. Qebari naŋgi simi ti. Deqa naŋgi simiq di ŋereŋeqnub. Ariya e Tamo Aŋgro ŋeiqajqa tal saiqoji. Deqa ni e daurbqajqa gulube koba.”

Mak 13:33

“Niŋgi ijo bqajqa bati qaliesai deqa niŋgi geregere ŋam atsib soqniye.

Mak 13:37

E anjam merŋgonum qaji endi tamo kalil dego minjreqnum, ‘Niŋgi geregere ŋam atsib soqniye.’” Yesus a na aqa aŋgro naŋgi anjam degsi minjrej.

Luk 1:19

Onaqa laŋ aŋgro na Sekaraia minjej, “Ijo ñam Gebriel. E Qotei aqa ulatamuq di tigelejunum qaji. Qotei a segi na e qariŋbqoqa bosim anjam bole endi ni mermonum.

Luk 18:1

Yesus a na aqa aŋgro naŋgi anjam degsi minjrej. Osiqa naŋgi bati gaigai Qotei pailyoqnib asginjraim deqa olo yawo anjam bei endegsi minjrej, “Qure beiq dia anjam pegiyo tamo bei soqnej. Tamo di aqa kumbra bolesai. A Qotei ulaiyosaioqnej. A tamo uŋgasari naŋgi qa dego are qalosaioqnej.

Luk 20:35

Ariya mondoŋ Qotei aqa segi tamo uŋgasari nami giltnjrej qaji naŋgi subq na tigelosibqa naŋgi tamotqasai. Naŋgi uŋatqasai.

Luk 21:35

Agi aliem urur bel qaleqnu dego kere. Bati deqa e bosiy tamo uŋgasari sawa sawa kalilq di unub qaji naŋgoq di brantoqujatqai.

Aposel 10:2

Kornilius a Qotei aqa kumbra dauryoqnej qaji. Deqa tamo uŋgasari kalil a ombla tal qujaiq di soqneb qaji naŋgi a ti bati gaigai Qotei aqa sorgomq di soqneb. Juda tamo uŋgasari naŋgi iŋgi iŋgi saiinjreqnaqa a naŋgi silali na aqaryainjroqnej. A bati gaigai Qotei pailyoqnej.

1 Korin 16:13

Ariya was qu, niŋgi geregere ŋam atoqniye. Osib niŋgi siŋgila na tigelesosib Yesus qa nuŋgo areqalo siŋgilatoqniye. Niŋgi iŋgi bei qa ulaaib. Niŋgi siŋgila na soqniye.

2 Korin 4:14

Iga endegsi qalieonum, Qotei na Tamo Koba Yesus subq na tigeltej deqa mondoŋ a na iga kamba dego subq na tigeltgwas. Osim iga ti niŋgi ti joqsim Yesus aqa areq osi oqwas.

Kolosi 4:2

Ariya was qu, niŋgi gaigai siŋgila na Qotei pailyoqniye. Niŋgi aqar ataib. Niŋgi pailyoqnsib geregere are qaloqnsib Qotei biŋiyoqniye.

1 Tesalonaika 5:17

Sosib gaigai pailyoqniye.

2 Timoti 4:5

Ariya Timoti, ni gaigai areqalo bole na sosimqa gulube ti jaqatiŋ ti qoboiyoqnsim siŋgila na tigelesoqne. Osim ni na Yesus aqa anjam bole tamo uŋgasari naŋgi minjroqnsim laqne. Ni naŋgi aqaryainjrqajqa wau ti unum deqa ni wau di yoqne.

1 Pita 4:7

Iŋgi iŋgi kalil koboqajqa bati agi jojomqo. Deqa niŋgi areqalo bole ti sosib nuŋgo kumbra kalil geregere taqatoqniye. Niŋgi degyqab di niŋgi Qotei pailyqa oqnsib geregere pailyoqnqab.

1 Pita 5:8

Niŋgi nuŋgo segi walwel geregere taqatosib ŋam atsib soqniye. Bauŋ juwaŋ naŋgi tulaŋ leleŋoqnsib tamo ñumoqnsib uyeqnub dego kere nuŋgo jeu tamo Satan a na gaigai tamo uŋgasari naŋgi padaltnjrqajqa ŋamosiq laqnu.

1 Jon 2:28

Od, ijo aŋgro, niŋgi Kristus beteryosib soqniye. Yim deqa mondoŋ a olo brantimqa iga jemaigwasai. Iga are siŋgilatosim aqa ulatamuq di tigelesqom.

Jut 1:24

O was qu, Qotei a na niŋgi taqatŋgoqneme. Yim niŋgi uloŋqasai. Mondoŋ a na niŋgi joqsim laŋ qureq osi oqimqa niŋgi aqa riaŋ unsib une saiqoji sosib tulaŋ areboleboleiŋgim sqab.

Uli Anjam 11:4

Tamo aiyel di kaŋar qeli bul. Naŋgi aiyel lam bul dego. Naŋgi Tamo Koba Qotei sawa sawa kalil taqatejunu qaji aqa ulatamuq dia tigelejunub.

Uli Anjam 6:17

Di kiyaqa? Qotei naŋgi Kaja Du wo tamo uŋgasari naŋgi qa minjiŋ oqetnjrqa bati agi brantqo. Deqa tamo yai na naŋgo siŋgila gotraŋyqa kere? Tamo dego bei sosai.”

Uli Anjam 7:9

Onaqa bunuqna e olo ŋam atsimqa tamo uŋgasari tulaŋ gargekoba koroesonab unjrem. Tamo uŋgasari naŋgi di tamo bei na sisiyqa keresai. Naŋgi tulaŋ gargekoba. Naŋgi di kalil leŋ segi segi qaji, sawa segi segi qaji, jejamu segi segi qaji, anjam maro segi segi qaji. Naŋgi Qotei aqa awo jaram ti Kaja Du ti naŋgo areq di tigelosibqa gara jugo qat olekokba jigeleŋosib naŋgo baŋ na tuwom baŋga ojeleŋesoqneb.

Uli Anjam 8:2

Sokiñalayonaq e olo ŋam atsimqa laŋ aŋgro 7-pela Qotei aqa ulatamuq di tigelesoqneb qaji naŋgi unjrem. Unjrem di naŋgi gul 7-pela ojsib tigelesoqneb.