Luk 21:23 - Yesus Aqa Anjam Bole

²³ Bati deqa Qotei aqa minjiŋ mandamq aiimqa Juda tamo uŋgasari naŋgi gulube tulaŋ kobaquja oqab. Deqa uŋa gumaŋ ti unub qaji naŋgi jaraio baŋgioqnsib gulube koba oqnqab. Uŋa aŋgro mom ti unub qaji naŋgi dego jaraio baŋgioqnsib gulube koba oqnqab.

Luk 21:23 ပူးပေါင်းရင်းမြစ်များ

Matyu 21:16

Osib Yesus minjeb, “Aŋgro du du naŋgi leleŋoqnsib anjam mareqnub di ni queqnum e?” Onaqa Yesus na kamba minjrej, “Od, e naŋgo anjam queqnum. Deqa e niŋgi merŋgwai. Qotei aqa anjam bei nami endegsib neŋgreŋyeb unu, ‘O Abu, aŋgro du du naŋgi na ino ñam soqteqnub.’ Anjam di niŋgi nami sisiyosai kio?”

Matyu 21:41

Onaqa naŋgi na minjeb, “Wau lanja a bosimqa tamo uge naŋgi di tulaŋ ugeugeinjrsim padaltnjrougetqas. Osim aqa wau di olo yainjrsim tamo qudei naŋgo baŋq di uratetnjrimqa naŋgi na wau taqatosib wain gei melioqnimqa koroiyoqnsibqa wau lanja yoqnqab.”

Matyu 21:44

Tamo bei a uloŋosim tal aqa ai di aqa quraq aiimqa tal aqa ai dena aqa tanu giŋgeŋyqas. Ariya tal aqa ai di uloŋosimqa tamo bei aqaq aisim aqa jejamu ti tanu ti torei paraparayqas.”

Matyu 24:19

Bati deqa uŋa gumaŋ ti unub qaji naŋgi jaraio baŋgioqnsib gulube koba oqab. Uŋa aŋgro mom ti naŋgi dego jaraio baŋgioqnsib gulube koba oqab.

Mak 13:17

Bati deqa uŋa gumaŋ ti unub qaji naŋgi jaraio baŋgioqnib gulube koba oqab. Uŋa aŋgro mom ti naŋgi dego jaraio baŋgioqnib gulube koba oqab.

Luk 19:27

Osiqa minjrej, ‘Tamo naŋgi e qa jeu ateb qaji naŋgi joqsib boiye. Naŋgi e qa mareb, “Tamo di mandor ataib.” Deqa tamo naŋgi di joqsib bosib ijo ulatamuq endia naŋgi ñumeleŋib moreŋqab.’”

Luk 19:43

Deqa niŋgi quiye. Bati bei brantimqa tamo qudei naŋgi bosib niŋgi jeutŋgosib nuŋgo qure agutibqa niŋgi jaraiqa keresaiiŋgwas. Amqa naŋgi na niŋgi qoto itŋgosib tulaŋ ugeugeiŋgosib nuŋgo qure niñaqyekritqab. Osib meniŋ kalil paraparainjrsib breinjribqa meniŋ bei meniŋ bei aqa quraq di sqasai. Meniŋ kalil segisegiqab. Jeu tamo naŋgi bosib niŋgi degŋgwab. Di kiyaqa? Qotei a niŋgi aqaryaiŋgwa bati brantqo di niŋgi poiŋgosai deqa.”

Luk 23:29

Niŋgi quiye. Bati bei brantimqa tamo naŋgi endegsib marqab, ‘Uŋa naŋgo miligi ugeej qaji naŋgi areboleboleinjreme. Uŋa nami aŋgrotosaioqneb qaji naŋgi areboleboleinjreme. Uŋa aŋgro muŋgum anainjrosaieqnub qaji naŋgi dego areboleboleinjreme.’ Naŋgi degsib marqab.

1 Korin 7:26

E endegsi are qalonum. Bini bati endeqa gulube kokba bqa jojomeqnub deqa niŋgi kalil kiersib unub degsib olo soqniye.

1 Tesalonaika 2:16

Osib iga na sawa bei bei qaji tamo uŋgasari naŋgi Qotei aqa anjam minjrqajqa gam getentetgeqnub. Sawa bei bei qaji tamo naŋgi Qotei na eleŋaim deqa maroqnsib gam getentetgeqnub. Deqa naŋgi bati gaigai naŋgo segi une tulaŋ kobaqujateqnub. Naŋgo kumbra dena Qotei aqa minjiŋ bosiq naŋgoq di unu.

Hibru 13:16

Ariya niŋgi na tamo uŋgasari naŋgi kumbra bole bole enjroqniye. Naŋgi iŋgi qudei qa truquoqnibqa niŋgi na aqaryainjroqniye. Niŋgi kumbra di urataib. Niŋgi kumbra degyoqnqab di niŋgi Qotei atraiyobuloqnqab. Yim Qotei a nuŋgo kumbra deqa tulaŋ areboleboleiyoqnqas.

Jems 5:1

Niŋgi tamo uŋgasari ñoro koba ti unub qaji niŋgi quiye. Bunuqna gulube kokba niŋgi qa bqas. Niŋgi deqa are qalsib akamkobaoqniye.

1 Pita 4:17

Iga Qotei aqa segi aŋgro tiŋtiŋ unum. Ariya iga pegigwajqa bati agi jojomqo. Qotei a namoqna iga pegigwas. Deqa iga qalieonum, tamo naŋgi Qotei aqa anjam bole gotraŋyeqnub qaji naŋgo une qa Qotei na awai tulaŋ ugedamu enjrqas.