Luk 21:17 - Yesus Aqa Anjam Bole

¹⁷ Niŋgi ijo ñam ejunub deqa tamo uŋgasari kalil naŋgi niŋgi qa tulaŋ ugeoqnsib jeutŋgoqnqab.

Luk 21:17 ပူးပေါင်းရင်းမြစ်များ

Matyu 10:22

Niŋgi ijo ñam ejunub deqa tamo uŋgasari kalil naŋgi niŋgi qa are tulaŋ ugeinjroqnqas. Ariya tamo uŋgasari naŋgi ijo ñam siŋgila na ojsib gilsi gilsib diŋo bati itqab di Qotei na naŋgi oqas.

Matyu 24:9

“Bati deqa naŋgi na niŋgi ojsib jaqatiŋ ti gulube ti eŋgwab. Osib niŋgi luŋgsib moiotŋgwab. Niŋgi ijo ñam ejunub deqa tamo uŋgasari kalil naŋgi niŋgi qa are tulaŋ ugeinjroqnqas.

Matyu 5:11

“Niŋgi na ijo ñam oqnsib e daurbeqnub deqa bunuqna tamo qudei naŋgi na niŋgi misiliŋgoqnsib niŋgi ugeugeiŋgoqnsib nuŋgo jejamu laŋa gisaŋyoqnqab. Di uŋgum. Niŋgi tulaŋ areboleboleiŋgeme.

Mak 13:13

Bati deqa tamo kalil naŋgi niŋgi ijo ñam ejunub deqa niŋgi qa are tulaŋ ugeinjroqnqas. Ariya tamo uŋgasari ijo ñam siŋgila na ojsib gilsi gilsib diŋo bati itqab di Qotei na naŋgi oqas.”

Luk 21:16

“Bati deqa nuŋgo segi meani naŋgi ti nuŋgo segi was naŋgi ti nuŋgo segi leŋ naŋgi ti nuŋgo segi kadoi naŋgi ti tigelosib niŋgi ojeleŋosib jeu tamo naŋgo baŋq di ateleŋoqnqab. Osib niŋgi qudei luŋgoqnib moreŋoqnqab.

Luk 21:18

Ariya Qotei na niŋgi geregere taqatŋgoqnqas. Deqa ijo aŋgro bei padalqasai. Niŋgi kalil bole sqab. Nuŋgo gate baŋga bei ugeqasai dego.

Luk 6:22

“Niŋgi ijo ñam oqnsib e daurbeqnub deqa bunuqna tamo qudei naŋgi na niŋgi jeutŋgoqnsib misiliŋgoqnsib nuŋgo ñam ugeugeiyoqnqab. Nami naŋgo moma naŋgi na Qotei aqa medabu o qaji tamo naŋgi degsib ugeugeinjroqneb. Dego kere bunuqna naŋgi niŋgi dego ugeugeiŋgoqnqab. Di kiyaqa? Niŋgi na e Tamo Aŋgro daurbeqnub deqa. Di uŋgum. Naŋgi niŋgi ugeugeiŋgibqa niŋgi tulaŋ areboleboleiŋgeme. Niŋgi quiye. Nuŋgo awai bole agi laŋ goge di unu. Bunuqna niŋgi oqsib awai di itqab.

Jon 15:19

Niŋgi mandam endeqa tamo qamu tamo uŋgasari mandamq endi unub qaji naŋgi na niŋgi qalaqalaiŋgonub qamu. Agi naŋgi na naŋgo segi aŋgro naŋgi qalaqalainjreqnub dego kere. Ariya niŋgi mandam endeqa tamo sai. E na niŋgi giltŋgem deqa niŋgi mandam endeqa kumbra urateb. Utru deqa mandam endeqa tamo uŋgasari naŋgi na niŋgi jeutŋgeqnub.

Jon 15:21

Ariya jeu tamo naŋgi ijo Abu e qariŋbej qaji a qa qaliesai. Deqa naŋgi na niŋgi ugeugeiŋgoqnqab. Di kiyaqa? Niŋgi ijo ñam ejunub deqa.

Jon 17:14

“E na ino anjam naŋgi minjrem. Utru deqa tamo uŋgasari mandamq endi unub qaji naŋgi na naŋgi jeutnjreqnub. Di kiyaqa? Ijo aŋgro naŋgi mandam endeqa tamo sai. Agi e dego mandam endeqa tamo sai.

Jon 7:7

Tamo uŋgasari mandamq endi unub qaji naŋgi niŋgi jeutŋgwa keresai. Ariya naŋgi gaigai e jeutbeqnub. Di kiyaqa? E naŋgo kumbra uge uge babtetnjreqnum deqa.

Aposel 9:16

A ijo ñam qa gulube gargekoba itoqnqas. Gulube di e na osoryoqnitqa itoqnqas.”

2 Korin 12:10

Deqa e Kristus aqa ñam qa siŋgila saiqoji sqai kio tamo qudei naŋgi na e misiliŋboqnqab kio e gulube oqnqai kio jeu tamo naŋgi na e ugeugeiboqnqab kio e waukobaoqnqai kio di uŋgum. E deqa areboleboleibqas. Di kiyaqa? E siŋgila saiqoji sqai bati di e Kristus aqa siŋgila ti sqai.

2 Korin 4:11

Iga Yesus aqa wau ojeqnum deqa iga mandamq endi sonamqa gago jeu tamo naŋgi na bati gaigai iga moiotgwa laqnub. Kumbra dena Yesus aqa ŋambile dego gago jejamuq di olo branteqnaq tamo uŋgasari naŋgi uneqnub.

2 Korin 4:5

Niŋgi quiye. Iga gago segi kumbra qa marosaieqnum. Iga endegsi mareqnum, “Kristus Yesus a gago Tamo Koba. Iga Yesus aqa anjam dauryeqnum deqa iga nuŋgo wau tamo unum.” Iga degsi segi mareqnum.

Filipai 1:29

Niŋgi quiye. Qotei na niŋgi giltŋgej deqa niŋgi Kristus aqa wau ojeqnub. Niŋgi a qa nuŋgo areqalo siŋgilatqajqa deqa segi niŋgi giltŋgosai. Niŋgi aqa ñam qa jaqatiŋ oqajqa deqa ti niŋgi giltŋgej.

1 Pita 4:14

Niŋgi Kristus aqa ñam ojejunub deqa jeu tamo naŋgi na niŋgi misiliŋgwab di uŋgum. Niŋgi deqa areboleboleiŋgem. Di kiyaqa? Niŋgi qalie, Qotei aqa Mondor ñam koba ti siŋgila ti unu qaji a na niŋgi beterŋgejunu deqa.

Uli Anjam 2:3

Ni ijo ñam ojejunum deqa tamo qudei naŋgi na ni numoqnsib ugeugei-meqnub. Ariya e qalieonum, ni siŋgila na tigeloqnsimqa gulube di qoboiyeqnum. Ni asgimosaieqnu.