Luk 20:42 - Yesus Aqa Anjam Bole

^42-43 Ariya Devit a segi nami marej, ‘Kristus a ijo Tamo Koba dego.’ Agi louqa buk miligiq dia Devit a anjam endegsi neŋgreŋyej, ‘Tamo Koba Qotei na ijo Tamo Koba minjej, “Ni ijo baŋ woq endi awo. Awesoqnimqa e na ino jeu tamo kalil naŋgi eleŋosiy ino sorgomq di atitqa ni na naŋgi taqatnjroqnqam.” ’

Luk 20:42 ပူးပေါင်းရင်းမြစ်များ

Luk 24:44

Uysiqa minjrej, “Nami e niŋgi koba na sosimqa bati deqa e niŋgi endegsim merŋgem, ‘Dal anjam kalil Moses na nami e qa neŋgreŋyej qaji di aqa damu brantqas. Anjam kalil Qotei aqa medabu o tamo naŋgi nami e qa neŋgreŋyeleŋeb qaji di aqa damu dego brantqas. Anjam kalil louqa buk miligiq di nami e qa neŋgreŋyeb qaji di dego aqa damu brantqas.’ E nami niŋgi degsi merŋgem.”

Aposel 1:20

Ariya Yesus aqa tamo uŋgasari 120 naŋgi koroesonabqa Pita na olo minjrej, “Devit a nami Qotei louqa buk miligiq di Judas qa endegsi neŋgreŋyej, ‘Aqa tal laŋa sqas. Aqa tal tamo bei na olo oqasai.’ Osiqa olo Judas qa endegsi neŋgreŋyej, ‘A Kristus aqa wau ojoqnej. Ariya tamo bei na olo wau di ojqas.’ Devit a nami Judas qa degsi neŋgreŋyej.

1 Korin 15:25

Kristus a degyqas. Di kiyaqa? A Mandor Koba sosim gilsim gilsim diŋo bati brantimqa Qotei na aqa jeu tamo kalil naŋgi eleŋosim aqa sorgomq di atim a na naŋgi taqatnjresqas.

Hibru 1:13

Qotei na aqa Ŋiri degsi minjsiqa olo minjej, “Ni ijo baŋ woq endi awesoqnimqa e na ino jeu tamo kalil naŋgi eleŋosiy ino siŋgaq di ateleŋqai.” Qotei na aqa Ŋiri degsi minjej. Ariya anjam deqaji Qotei na aqa laŋ aŋgro naŋgi minjrosaioqnej.

Hibru 3:7

Iga Qotei aqa tamo uŋgasari unum deqa iga Qotei aqa Mondor Bole aqa anjam quoqnqom. Aqa anjam agiende, “Bini bati endi niŋgi Qotei aqa medabu quoqniye.