Luk 20:26 - Yesus Aqa Anjam Bole

²⁶ Onaqa naŋgi Yesus aqa anjam di qusib naŋgi tulaŋ prugeleŋosib anjam bei minjqa keresaiinjrnaqa mequmosib soqneb.

Luk 20:26 ပူးပေါင်းရင်းမြစ်များ

Matyu 22:12

‘O was, ni kiyaqa maruro qa gara wala jugosai? Ni degsim maruro unqa baim.’ Degsi minjnaqa tamo di a na kamba olo anjam bei minjqa keresaiiyonaqa laŋa kiriesoqnej.

Matyu 22:22

Onaqa naŋgi Yesus aqa anjam di qusibqa naŋgi tulaŋ prugeleŋeb. Osib naŋgi Yesus uratosib jaraieb.

Matyu 22:34

Yesus a Sadyusi naŋgi anjam degsi minjrnaqa naŋgi na kamba olo anjam bei minjqa keresaiinjrnaqa Farisi naŋgi di qusib olo Yesus aqa areq beb.

Matyu 8:10

Onaqa Yesus a qaja tamo naŋgo gate aqa anjam di qusiqa a tulaŋ prugugetej. Osiqa bulosiq tamo uŋgasari gargekoba a dauryoqneb qaji naŋgi minjrej, “Niŋgi quiye. E bole merŋgwai. Qaja tamo naŋgo gate endi a e qa aqa areqalo tulaŋ siŋgilatqo. Israel tamo bei nami e qa degsi aqa areqalo siŋgilato qaji bei unosai. Qaja tamo naŋgo gate endi a sawa bei qaji. A Israel tamo sai. Di uŋgum. A e qa aqa areqalo tulaŋ siŋgilatqo.

Luk 11:54

A anjam bei grotimqa naŋgi a ojqajqa deqa anjam gargekoba nenemyoqnsib a dadauryoqneb.

Luk 13:17

Yesus a degsi marnaqa aqa jeu tamo naŋgi aqa anjam di qusibqa naŋgi kalil jemainjrej. Kumbra kalil Yesus na yoqnej qaji di tulaŋ bolequja deqa tamo uŋgasari kalil naŋgi di unoqnsib tulaŋ areboleboleinjroqnej.

Luk 20:20

Deqa naŋgi Yesus laŋa koqyesoqneb. Osib endegsib are qaleb, “Iga tamo qudei qariŋnjrnam naŋgi Yesus aqa areq gilsib anjam bei nenemyibqa a anjam grotimqa di iga qusim ojqom. Ojsim Rom naŋgo gate koba aqa baŋq di atqom.” Naŋgi degsi are qalsibqa tamo qudei minjreb, “Niŋgi na Yesus gisaŋyosib anjam bei nenemyibqa a niŋgi tamo bole edegwas. Osim anjam bei grotqas. Yimqa iga na ojqom.”

Rom 3:19

Iga qalie, Moses a dal anjam neŋgreŋyej di tamo naŋgi dal anjam aqa sorgomq di unub qaji naŋgi qa osiq deqa neŋgreŋyej. Deqa tamo bei a endegsi marqa keresai, “E tamo bole. E une saiqoji.” A degsi marqa keresai. Iga tamo uŋgasari kalil sawa sawa kalilq di unum qaji iga Qotei aqa ŋamgalaq di une ti unum.

Taitus 1:10

O Taitus, Krit nuiq dia anjam gotraŋyo qaji tamo gargekoba unub. Deqa ni na tamo bole bole naŋgi unjrsim gate ateleŋ. Anjam gotraŋyo qaji tamo naŋgi di anjam laŋa laŋa maroqnsib dena tamo uŋgasari naŋgi gisa gisaŋnjreqnub. Tamo naŋgi di Juda tamo. Deqa naŋgi tamo muluŋ breinjrqajqa tulaŋ siŋgi-laeqnub.