Luk 20:20 - Yesus Aqa Anjam Bole

²⁰ Deqa naŋgi Yesus laŋa koqyesoqneb. Osib endegsib are qaleb, “Iga tamo qudei qariŋnjrnam naŋgi Yesus aqa areq gilsib anjam bei nenemyibqa a anjam grotimqa di iga qusim ojqom. Ojsim Rom naŋgo gate koba aqa baŋq di atqom.” Naŋgi degsi are qalsibqa tamo qudei minjreb, “Niŋgi na Yesus gisaŋyosib anjam bei nenemyibqa a niŋgi tamo bole edegwas. Osim anjam bei grotqas. Yimqa iga na ojqom.”

Luk 20:20 ပူးပေါင်းရင်းမြစ်များ

Mak 3:2

Onaqa Farisi naŋgi Yesus koqyoqneb. Naŋgi are qaleb, “Yesus a yori bati qa tamo di boletqas kio? Yimqa minjqom, ‘Ni na yori bati grotonum.’” Deqa naŋgi Yesus koqyoqneb.

Luk 11:54

A anjam bei grotimqa naŋgi a ojqajqa deqa anjam gargekoba nenemyoqnsib a dadauryoqneb.

Luk 20:21

Naŋgi na tamo qudei degsib minjrsib naŋgi qariŋnjrnab Yesus aqa areq gilsib gisaŋyosib minjeb, “O Qalie Tamo Koba, iga qalie, ni anjam bole maro qaji tamo. Ni anjam bole segi tamo uŋgasari naŋgi minjroqnsim Qotei aqa kumbra osornjreqnum. Ni tamo bei ulaiyosaieqnum. Ni tamo ñam ti naŋgi anjam bei minjroqnsim olo tamo ñam saiqoji naŋgi anjam bei minjrosaieqnum. Ni anjam qujai tamo kalil naŋgi minjreqnum.

Luk 20:26

Onaqa naŋgi Yesus aqa anjam di qusib naŋgi tulaŋ prugeleŋosib anjam bei minjqa keresaiinjrnaqa mequmosib soqneb.

2 Pita 2:3

Tamo naŋgi di mamaul ani. Deqa naŋgi na bosib gisaŋ anjam gargekoba niŋgi merŋgoqnsib dena nuŋgo silali iŋgi iŋgi yaiŋgoqnqab. Ariya tulaŋ nami Qotei na tamo naŋgi di peginjrqa bati atsiqa naŋgi qa endegsi marej, “E na tamo naŋgi di padaltnjrougetqai.” Od, tamo naŋgi di bole padalqab. Qotei a naŋgo padalqa bati qa tariŋeqnu.