Luk 20:11 - Yesus Aqa Anjam Bole

¹¹ Ainaqa wau lanja na olo kaŋgal tamo bei qariŋyonaq gilnaqa a dego qalougetosib ugeugeiyosib wiyonabqa a laŋa puluosiq aiej.

Luk 20:11 ပူးပေါင်းရင်းမြစ်များ

Mak 12:4

Gilnaqa wau lanja na olo kaŋgal tamo bei qariŋyonaq wau taqato tamo naŋgoq aisiqa wain gei oqajqa minjrnaqa naŋgi na a dego ojsib aqa gate paratetosib tulaŋ ugeugeiyeb.

Luk 20:10

Sonaqa wain gei melionaqa wau lanja na aqa kaŋgal tamo bei minjej, ‘Ni gilsim wau taqato tamo naŋgi minjre, “Wau lanja a na qariŋbqo bonum. Niŋgi wain gei ebibqa osi aiqai.” ’ Degsi minjsiq qariŋyonaqa wau taqato tamo naŋgoq gilsiq minjrej, ‘Wau lanja a na e qariŋbqo bonum. Niŋgi wain gei ebibqa osi aiqai.’ Degsi minjrnaqa naŋgi na a ojsib qalougetosib wiyonab laŋa puluosi aiej.

Luk 20:12

Onaqa wau lanja na olo kaŋgal tamo bei qariŋyonaq gilnaqa a dego qalougetosib ugeugeiyosib wiyonab aiej.

Aposel 7:52

Nuŋgo moma naŋgi kumbra endegsib yoqneb. Naŋgi na Qotei aqa medabu o qaji tamo kalil naŋgi ugeugeinjroqnsib ñumoqneb. Bei uratosaioqneb. Kalil ñumoqneb. Qotei aqa medabu o qaji tamo naŋgi na nuŋgo moma naŋgi anjam endegsib minjroqneb, ‘Kumbra Tiŋtiŋ Yeqnu Qaji Tamo a bqas.’ Degsib minjreqnab naŋgi quqwa uratoqnsib naŋgi ñumoqneb. Ariya Yesus a bonaqa niŋgi na nuŋgo moma naŋgo kumbra di dauryosib Yesus osib jeu tamo naŋgo baŋq di atnabqa naŋgi na qalnab moiej.

1 Tesalonaika 2:2

Niŋgi qalie, iga niŋgi qa bosaisosimqa bati deqa iga Filipai qureq di sonamqa tamo naŋgi na iga jaqatiŋ egoqnsib ugeugeigoqneb. Ariya bunuqna iga nuŋgo qureq bonamqa gago Qotei na iga are siŋgilatetgej deqa iga jeu tamo naŋgi deqa ulaosai. Iga siŋgila na tigeloqnsim Qotei aqa anjam bole niŋgi merŋgoqnem.