Luk 2:49 - Yesus Aqa Anjam Bole

⁴⁹ Onaqa Yesus na minjrej, “Niŋgi kiyaqa e qa ŋamoqnab? E ijo Abu aqa talq endi unum. Niŋgi di qaliesai kio?”

Luk 2:49 ပူးပေါင်းရင်းမြစ်များ

Matyu 21:12

Onaqa Yesus a walwelosi aisiqa atra tal koba miligiq gilsiqa ŋam atej tamo uŋgasari gargekoba naŋgi iŋgi iŋgi qariŋyeleŋoqnsibqa dena silali eqnab unjrsiqa naŋgi winjrnaq jaraieb. Tamo uŋgasari silali piloqneb qaji naŋgi ti tamo uŋgasari binoŋ qariŋysib dena silali oqneb qaji naŋgi ti naŋgo jar ti jaram ti bilbelyosiqa naŋgi dego winjrnaq jaraieb.

Luk 2:48

Onaqa aqa ai wo abu wo naŋgi a unsibqa are koba qaleb. Osib aqa ai na minjej, “O ijo aŋgro, ni kiyaqa aqo ino abu wo kumbra deggonum? Ni que. Aqo aiyel tulaŋ are gulubeigwoqa ni qa ŋamoqnam.”

Jon 4:34

Onaqa Yesus na minjrej, “E na ijo Abu e qariŋbej qaji aqa areqalo dauryosiy aqa wau kobotqai. Ijo iŋgi uyo bole agide.

Jon 5:17

Onaqa Yesus a naŋgo anjam di qalieosiqa naŋgi minjrej, “Ijo Abu a nami gaigai wauoqnej agi bini wauoqnsi unu. Deqa e dego waueqnum.”

Jon 5:36

“Ariya anjam e palonteqnum qaji dena Jon tulaŋ buŋyejunu. Wau kalil ijo Abu na e yosiy kobotqajqa ebej qaji wau dena Jon aqa wau tulaŋ buŋyejunu. E wau di yeqnum deqa tamo uŋgasari naŋgi unoqnsib endegsi poinjreqnu, ijo Abu na e qariŋbonaq bem.

Jon 6:38

E ijo segi areqalo dauryqajqa e deqa laŋ qure uratosim mandamq aiosai. Abu e qariŋbej qaji aqa areqalo dauryqajqa deqa e laŋ qure uratosim mandamq aiem.

Jon 8:29

Ijo Abu e qariŋbej qaji a e ombla sosiqa taqbejunu. A na e uratbosaieqnu. Di kiyaqa? E gaigai kumbra kalil a tulaŋ areareteqnu qaji di yeqnum.”

Jon 9:4

Sawa suwaŋesoqnimqa ijo Abu e qariŋbej qaji aqa wau yoqnqom. Ambruamqa tamo naŋgi wauqa keresai.