Luk 2:46 - Yesus Aqa Anjam Bole

⁴⁶ Bati qalub naŋgi Yesus qa ŋamoqneb. Ŋamosib gilsib atra tal miligiq dia ŋam ateb Yesus a di awesonaq uneb. A dal anjam qalie tamo naŋgo ambleq dia awesosiqa naŋgo anjam quoqnsiqa a kamba anjam qudei naŋgi nenemnjroqnej.

Luk 2:46 ပူးပေါင်းရင်းမြစ်များ

Matyu 12:40

Agi Jona a bati qalub qe ani aqa miligiq di soqnej. Dego kere e Tamo Aŋgro bati qalub sub miligiq di sqai.

Matyu 16:21

Bati deqa Yesus na aqa aŋgro naŋgi endegsi minjrej, “E Jerusalem aieqnum. Dia Juda tamo kokba ti atra tamo kokba ti dal anjam qalie tamo naŋgi ti e jaqatiŋ koba ebsib lubsib moiotbqab. Bati qalub koboamqa e olo subq na tigelqai.” Yesus a anjam di ubtsiq minjrej.

Luk 2:47

Aqa powo tulaŋ kobaquja. Deqa a dal anjam qalie tamo naŋgo anjam qusiq kamba anjam bole bole minjreqnaqa tamo uŋgasari naŋgi qusibqa tulaŋ prugeleŋoqneb.

Luk 5:17

Bati bei tamo uŋgasari naŋgi olo koroesonabqa Yesus a na Qotei aqa anjam palontosiq minjroqnej. Minjreqnaqa bati di Farisi naŋgi ti dal anjam qalie tamo naŋgi ti tigelosib bosib Yesus aqa areq di awoeleŋesoqneb. Naŋgi Galili sawa naŋgo qure qureq dena ti Judia sawa naŋgo qure qureq dena ti Jerusalem qureq dena dego tigelosib bosib Yesus aqa areq di awoeleŋesoqneb. Bati di Tamo Koba Qotei aqa siŋgila Yesus aqa jejamuq di soqnej. Deqa a na tamo naŋgo ma gereiyetnjrqa marnaqa tamo qudei naŋgi na tamo bei jejamu laiyej qaji a saperaq di atsib Yesus aqa areq di atibqa Yesus na boletqajqa deqa qoboiyosib beb.

Jon 3:10

Onaqa Yesus na kamba minjej, “Ni Israel naŋgo qalie tamo koba. Ni kiyaqa ijo anjam endeqa poimosai?

Aposel 5:34

Onaqa naŋgo ambleq dena Farisi tamo bei aqa ñam Gamaliel a tigelej. A dal anjam qalie tamo kobaquja. Tamo kalil naŋgi bati gaigai a qa maroqneb, “A tamo bolequja.” A tigelosiqa qaja tamo naŋgi minjrej, “Niŋgi mati Yesus aqa aŋgro 12-pela naŋgi joqsib taqal beiq giliye.”

1 Timoti 1:7

Bole, naŋgi Qotei aqa dal anjam tamo uŋgasari naŋgi minjrqajqa are koba qaleqnub. Oqnsib minjreqnub, “Anjam iga na merŋgeqnum qaji endi bole.” Ariya naŋgi tamo tulaŋ nanari deqa anjam naŋgi palonteqnub qaji di aqa utru naŋgi qaliesai. Naŋgo segi anjam di naŋgi poinjrosaieqnu.