Luk 2:40 - Yesus Aqa Anjam Bole

⁴⁰ Di sosibqa naŋgo aŋgro kiñala Yesus a boleoqnsiqa siŋgilaoqnsiq powo qelikoba oqnej. Qotei a Yesus qa are tulaŋ boleiyoqnsiqa geregereiyoqnej.

Luk 2:40 ပူးပေါင်းရင်းမြစ်များ

Luk 1:80

Onaqa aŋgro kiñala Jon a kobaqujaeqnaqa Qotei aqa Mondor na siŋgila yoqnej. A tamo kobaqujaosiqa tigelosiq wadau sawaq gilsiq di soqnej. A di sosiqa a na Israel tamo uŋgasari naŋgi Qotei aqa anjam minjrim quqwajqa bati qa tariŋoqnej.

Luk 2:47

Aqa powo tulaŋ kobaquja. Deqa a dal anjam qalie tamo naŋgo anjam qusiq kamba anjam bole bole minjreqnaqa tamo uŋgasari naŋgi qusibqa tulaŋ prugeleŋoqneb.

Luk 2:52

Yesus a Nasaret qureq di sosiqa tamo kobaqujaoqnsiqa aqa qalie dego kobaqujaoqnej. A Qotei aqa ŋamdamuq dia kumbra tulaŋ boledamu yoqnej. A tamo uŋgasari kalil naŋgo ŋamdamuq dia dego kumbra tulaŋ boledamu yoqnej.

Jon 1:14

Anjam di a tamo yusiqa gago ambleq di soqnej. Onaqa iga aqa ñam koba ti aqa siŋgila ti di unem. Aqa ñam agiende. A segi qujai Qotei aqa Ŋiri. A iga qa are tulaŋ boleiyeqnu. A segi anjam bole qa utru.

Aposel 4:33

Tamo Koba Yesus a subq na tigelej anjam di aqa aŋgro 12-pela naŋgi siŋgila na maroqneb. Naŋgo anjam di siŋgila ti. Naŋgi mareqnab Qotei a naŋgi qa are tulaŋ boleiyoqnsiqa naŋgi siŋgila enjroqnej.

Efesus 6:10

Ariya e ijo anjam getentqai. Niŋgi Tamo Koba Yesus beteryejunub deqa niŋgi aqa siŋgila kobaquja qa are qaloqnsib siŋgila na tigelesoqniye.

2 Timoti 2:1

Ariya ijo aŋgro Timoti, Kristus Yesus a iga qa are tulaŋ boleiyeqnu aqa kumbra dena ni gaigai siŋgilatmoqneme.