Luk 2:28 - Yesus Aqa Anjam Bole

²⁸ Onaqa Simion a Yesus unsiqa a osiq soqoŋyej. Soqoŋyosiqa Qotei aqa ñam soqtosiq endegsi pailyej,

Luk 2:28 ပူးပေါင်းရင်းမြစ်များ

Mak 10:16

Yesus a na aqa aŋgro naŋgi anjam degsi minjrsiqa aŋgro du du naŋgi di soqoŋnjrsiqa aqa baŋ naŋgo gateq di atetnjrsiqa naŋgi qa Qotei pailyej.

Mak 9:36

Yesus a na naŋgi degsi minjrsiqa aŋgro kiñala bei osiqa naŋgo ambleq di tigeltosiqa olo soqoŋyosiqa naŋgi minjrej,

Luk 1:46

Onaqa Maria na kamba aqa medabu waqtosiqa marej, “Tamo Koba Qotei a na kumbra tulaŋ boledamu ebqas. Deqa ijo are na e Qotei aqa ñam soqtosim biŋiyonum.

Luk 1:64

Onaqa bati qujai deqa Sekaraia aqa meŋ otyonaqa medabu waqtosiqa Qotei aqa ñam soqtoqnej.

Luk 1:68

“Iga gago Tamo Koba Qotei aqa ñam tulaŋ koba soqtqom. A Israel gago Qotei. Iga aqa segi tamo uŋgasari unum deqa a na bosim iga eleŋam iga padalqasai.

Luk 2:20

Onaqa kaja taqato tamo naŋgi olo puluosib gileb. Naŋgi laŋ aŋgro aqa anjam qusib aisib Kristus uneb deqa naŋgi tulaŋ areboleboleinjrnaqa Qotei aqa ñam soqtoqnsib giloqneb.

Luk 2:27

Onaqa bati bei Qotei aqa Mondor na Simion aqa are tigeltetonaqa atra tal miligiq gilej. Gilsiq di sonaqa Maria wo Josep wo naŋgi Moses aqa dal anjam nami marej qaji di dauryqajqa marsibqa naŋgo aŋgro Yesus osib a Qotei aqa baŋq di atqajqa deqa atra tal miligiq gileb.

Luk 2:29

“O Tamo Koba Qotei, e ino wau tamo. Ino anjam nami merbem qaji di ni uratosai. Deqa e lawo na moiqai.