Luk 2:27 - Yesus Aqa Anjam Bole

²⁷ Onaqa bati bei Qotei aqa Mondor na Simion aqa are tigeltetonaqa atra tal miligiq gilej. Gilsiq di sonaqa Maria wo Josep wo naŋgi Moses aqa dal anjam nami marej qaji di dauryqajqa marsibqa naŋgo aŋgro Yesus osib a Qotei aqa baŋq di atqajqa deqa atra tal miligiq gileb.

Luk 2:27 ပူးပေါင်းရင်းမြစ်များ

Matyu 4:1

Onaqa bati deqa Qotei aqa Mondor na Yesus wadau sawaq osi gilsiqa di uratonaqa Satan bosiqa Yesus a une bei atqajqa deqa marsiqa walawalaiyoqnej.

Luk 2:22

Juda naŋgo kumbra bei agiende. Uŋa aŋgrotimqa bati 40 koboamqa naŋgi uŋa aqa jejamu yansetibqa a Qotei aqa ŋamdamuq di une saiqoji sqas. Dal anjam di Moses a nami marej. Deqa Maria aqa jejamu yansetqa bati kereonaqa aqa gumbulu qali wo Jerusalem gilsibqa atra tal miligiq dia Maria aqa jejamu yansetosib Yesus osib Tamo Koba Qotei aqa baŋq di ateb.

Luk 2:28

Onaqa Simion a Yesus unsiqa a osiq soqoŋyej. Soqoŋyosiqa Qotei aqa ñam soqtosiq endegsi pailyej,

Luk 2:41

Yesus aqa ai wo abu wo naŋgi wausau gaigai Juda naŋgo yori bati koba unqajqa maroqnsib tigelosib Jerusalem aioqneb. Qotei na nami Israel naŋgi Isip sawaq dia padalqa laqnabqa eleŋosiq aqaryainjrej. Juda naŋgi deqa olo are qalsib yori bati unqajqa maroqnsib Jerusalem aioqneb.

Luk 2:48

Onaqa aqa ai wo abu wo naŋgi a unsibqa are koba qaleb. Osib aqa ai na minjej, “O ijo aŋgro, ni kiyaqa aqo ino abu wo kumbra deggonum? Ni que. Aqo aiyel tulaŋ are gulubeigwoqa ni qa ŋamoqnam.”

Luk 2:51

Onaqa Yesus a tigelosiqa aqa ai wo abu wo naŋgi daurnjrsiqa Nasaret qureq gileb. Gilsib dia a naŋgo aiyel anjam geregere dauryoqnsiqa naŋgo sorgomq di soqnej. Onaqa aqa aniqali na aqa kumbra di unsiqa tulaŋ arearetonaqa aqa areqaloq di atnaq soqnej.

Luk 4:1

Ariya Qotei aqa Mondor a Yesus aqa jejamuq di awoonaqa a Jordan yaq dena olo pulueqnaqa Mondor na a wadau sawaq osi gilsiqa di uratonaqa bati 40 a di laqnej. Di laqnaqa Satan bosiqa Yesus a une bei atqajqa deqa marsiqa walawalaiyoqnej. Bati deqa Yesus a iŋgi uratsiqa qurieŋ ti soqnej. A laŋa soqnej. Bati 40 di koboonaqa a mamyej.

Aposel 10:19

Pita a ŋeiobilqei deqa are koba qaleqnaqa Qotei aqa Mondor na minjej, “Ni que. Tamo qalub bosib ni qa maronub.

Aposel 11:12

Onaqa Qotei aqa Mondor na e merbej, ‘Ni tigelosim naŋgi qalub daurnjrsim gile. Ni are gulubeimaiq.’ Degsi merbonaqa e tigelosim naŋgi qalub daurnjrsim Yesus aqa tamo 6-pela agi endia tigelejunub qaji naŋgi koba na gilem. Gilsim Sisaria qureq di brantosim Kornilius aqa tal gogetem.

Aposel 16:7

Deqa naŋgi Frigia sawa ti Galesia sawa ti dia laqnsibqa dena walwelosib Misia sawaq di branteb. Dena Bitinia sawaq gilqa laqnabqa Yesus aqa Mondor na naŋgi saidnjrnaqa naŋgi Misia sawa amble potosib aisib torei Troas qureq di branteb.

Aposel 8:29

Onaqa Qotei aqa Mondor na Filip minjej, “Ni gilsim karis di jojomye.”

Galesia 4:4

Ariya bati Qotei a nami atej qaji di brantonaqa a na aqa Ŋiri Yesus qariŋyonaq mandamq aiej. Aisiq aqa ai na ŋambabtonaqa a tamo brantosiqa dal anjam aqa sorgomq di soqnej.

Uli Anjam 1:10

E Patmos nui endi sonamqa Tamo Koba aqa batiej. Onaqa Qotei aqa Mondor Bole na e siŋgilatbonaqa ijo qoreq di tamo bei leleŋonaqa e aqa kakoro quem. A tulaŋ koba leleŋej. Gul anjameqnu dego kere.

Uli Anjam 17:3

Laŋ aŋgro na e degsi merbonaqa Qotei aqa Mondor Bole a bosiqa e siŋgilatbosiqa e wadau sawaq osi gilej. Onaqa e ŋam atsim uŋa bei sonaq unem. Uŋa di a wagme juwaŋ lent aqa quraq di awesoqnej. Wagme juwaŋ di aqa jejamuqsi ñam gargekoba neŋgreŋyonab soqneb. Ñam di Qotei misiliŋyo qaji ñam. Wagme juwaŋ di aqa gate 7-pela. Aqa gateq di qala 10-pela soqneb.