Luk 2:2 - Yesus Aqa Anjam Bole

² Kwirinius a Siria sawaq di mandor koba sonaqa bati deqa naŋgi na naŋgo ñam sisiyeb. Naŋgi nami ñam sisiyosaioqneb.

Luk 2:2 ပူးပေါင်းရင်းမြစ်များ

Matyu 4:24

Onaqa tamo uŋgasari kalil Siria sawaq di soqneb qaji naŋgi anjam endegsib queb, “Yesus a maŋwa tulaŋ gargekoba yeleŋeqnu.” Degsib qusib deqa naŋgo ma tamo kalil joqsib Yesus aqa areq osi beleŋeb. Tamo ma utru segi segi osi beleŋeb. Tamo jejamu jaqatiŋnjro qaji naŋgi ti tamo mondor uge uge na ojeleŋo qaji naŋgi ti tamo gate na nanarioqnsib maŋgaloqneb qaji naŋgi ti tamo jejamu lainjro qaji naŋgi ti kalil joqsib beqnab Yesus na boletnjroqnej.

Luk 2:1

Bati deqa Rom naŋgo mandor koba Sisar Ogastus a marej, “Iga na tamo uŋgasari sawa sawa kalilq di unub qaji naŋgo ñam sisiyqom.”

Luk 2:3

Ariya tamo uŋgasari kalil naŋgo ñam ateleŋqajqa marsibqa naŋgo segi segi qure utruq gileleŋeb.

Luk 3:1

Sisar Taiberius a wausau 15 Rom naŋgo mandor koba sonaqa Pontius Pailat a Judia sawa naŋgo gate koba soqnej. Bati deqa Herot a Galili sawa naŋgo gate koba soqnej. Herot aqa aube Filip a na Ituria sawa ti Trakonitis sawa ti taqatoqnej. Lisanias a na Abilene sawa taqatoqnej.

Aposel 13:7

Rom naŋgo gate koba bei aqa ñam Sergius Paulus a qure dia soqnej. Barjisas a gaigai Sergius Paulus dauryosiq laqnej. Sergius Paulus a qalie tamo kobaquja. Barnabas wo Sol wo Pafos qureq di brantonabqa Sergius Paulus a Qotei aqa anjam quqwa marsiqa naŋgi aiyel metnjrnaqa aqa areq bosib Qotei aqa anjam minjoqneb. Minjeqnabqa quñam tamo Barjisas (Grik anjam na aqa ñam Elimas) a qusiqa are qalej, “E na Barnabas wo Sol wo naŋgo anjam gegentoqnqai. Sergius Paulus a Qotei aqa anjam di qusimqa aqa areqalo Yesus qa siŋgilato uge.”

Aposel 18:12

Ariya Pol a Korin qureq di sonaqa Rom naŋgo gate koba bei aqa ñam Galio a Akaia sawa taqatoqnej. Bati deqa Juda naŋgi Pol qa minjiŋ oqetnjrnaqa a ojsib koro sawaq osi gilsib Galio aqa awo jaram namoq di tigelteb.

Aposel 23:26

“O tamo koba Feliks, ijo ñam Klodius Lisias. E qaja tamo naŋgo gate koba. Ijo anjam endi ni quqwajqa deqa e neŋgreŋyosim ni qa qariŋyonum. O kaiye.

Aposel 26:30

Pol a na anjam degsiqa Agripa minjnaqa Festus wo Bernaisi wo tamo kalil awoeleŋesoqneb qaji naŋgi Agripa koba na tigelosib warumq dena oqedeb. Oqedosib endegsib qairosib mareb, “Iga Pol aqa jejamuq di une kobaquja bei unosaibolesai. Deqa iga na a qalsim moiotqa keresai. A tonto talq waiyqa keresai dego.”

Aposel 5:37

Bunuqna Rom tamo uŋgasari naŋgo ñam kalil sisiyqa bationaqa Galili qaji tamo bei aqa ñam Judas a dego tigelosiqa Rom naŋgi ti qotqajqa maroqnsiqa tamo naŋgo are tigeltetnjreqnaqa naŋgi a dauryoqneb. Onaqa Rom naŋgi na a qalnab moinaqa tamo kalil a dauryoqneb qaji naŋgi segi segi jaraieb.