Luk 19:37 - Yesus Aqa Anjam Bole

³⁷ Onaqa Yesus a Oliv mana utru jojomyosiqa walwelosi aieqnaqa Yesus aqa aŋgro gargekoba naŋgi a dauryosib aieleŋeb. Yesus a nami maŋwa tulaŋ gargekoba yeqnaqa naŋgi unoqneb. Deqa a donki aqa quraq di awoosiq walwelosi aieqnaqa naŋgi a unsibqa tulaŋ areboleboleinjreqnaqa leleŋoqnsib murqumyoqnsib Qotei aqa ñam soqtoqnsib maroqneb,

Luk 19:37 ပူးပေါင်းရင်းမြစ်များ

Matyu 21:1

Ariya Yesus aqa aŋgro naŋgi koba na walwelosib aisib Jerusalem qure jojomyosib Betfage qureq di branteb. Betfage qure agi Oliv mana utruq di unu. Di brantosib Yesus na aqa aŋgro aiyel qariŋnjrsiqa minjrej,

Mak 13:3

Yesus a na degsi minjsiqa Oliv manaq oqsiq atra tal areiyosiq awesonaqa Pita na Jems na Jon na naŋgi qalub Yesus aqa areq bosibqa lumu nenemyeb,

Mak 14:26

Yesus a na aqa aŋgro naŋgi anjam degsi minjrsiqa naŋgi koba na louosib koboonaqa qure uratosib Oliv manaq oqeb.

Luk 18:43

Degsi minjnaqa aqa ŋamdamu poiyonaqa sawa unsiqa Qotei aqa ñam soqtosiqa tigelosiq Yesus dauryosiq aiej. Onaqa tamo uŋgasari kalil naŋgi Yesus aqa siŋgila di unsibqa naŋgi dego Qotei aqa ñam soqtoqneb.

Luk 19:20

“Onaqa wau tamo bei olo bosiqa aqa tamo koba minjej, ‘O Tamo Koba, ni unime. Ino 20 kina ebem qaji agi olo osibetmonum. E gara ñeŋgi bei na dalaosim atnam soqnej.

Luk 19:29

Aisiqa Betfage qure ti Betani qure ti Oliv mana utruq di unub qaji di jojomyosiqa aqa aŋgro aiyel qariŋnjrsiqa minjrej, “Niŋgi aisib qure aiyel dia brantosib donki bei tontonub unu di unqab. Donki di bunuj tamo bei nami aqa quraq di awoosaioqnej qaji. Niŋgi donki di unsibqa sil palontosib titosib osi boiye.

Luk 19:36

Onaqa Yesus a donki aqa quraq di awoonaqa donki a walwelosi aieqnaqa tamo uŋgasari tulaŋ gargekoba naŋgi beleŋosib naŋgo gara jugo piqteleŋosib gamq dia tueleŋoqneb.

Luk 7:16

Onaqa tamo uŋgasari kalil qure dia soqneb qaji naŋgi Yesus aqa siŋgila di unsibqa naŋgi tulaŋ prugeleŋosib Qotei aqa ñam soqtosib maroqneb, “Bole, bini Qotei aqa medabu o qaji tamo kobaquja gago ambleq endi brantqo. Qotei na aqa segi tamo uŋgasari naŋgi aqaryainjrqajqa deqa tamo di qariŋyqoqa gagoq bqo.”

Jon 12:18

Mare mare laqnab tamo uŋgasari tulaŋ gargekoba queleŋeb. Queleŋosib deqa Yesus a donki bunuj quraq di awoosiq Jerusalem beqnaqa naŋgi a gamq di turqajqa aieleŋeb.