Luk 19:29 - Yesus Aqa Anjam Bole

^29-30 Aisiqa Betfage qure ti Betani qure ti Oliv mana utruq di unub qaji di jojomyosiqa aqa aŋgro aiyel qariŋnjrsiqa minjrej, “Niŋgi aisib qure aiyel dia brantosib donki bei tontonub unu di unqab. Donki di bunuj tamo bei nami aqa quraq di awoosaioqnej qaji. Niŋgi donki di unsibqa sil palontosib titosib osi boiye.

Luk 19:29 ပူးပေါင်းရင်းမြစ်များ

Matyu 21:17

Yesus a naŋgi degsi minjrsiq koboonaqa a tigelosiq Jerusalem qure uratosiq Betani qureq aiej. Ainaq dia qoloonaq ŋeiej.

Luk 19:37

Onaqa Yesus a Oliv mana utru jojomyosiqa walwelosi aieqnaqa Yesus aqa aŋgro gargekoba naŋgi a dauryosib aieleŋeb. Yesus a nami maŋwa tulaŋ gargekoba yeqnaqa naŋgi unoqneb. Deqa a donki aqa quraq di awoosiq walwelosi aieqnaqa naŋgi a unsibqa tulaŋ areboleboleinjreqnaqa leleŋoqnsib murqumyoqnsib Qotei aqa ñam soqtoqnsib maroqneb,

Luk 21:37

Bati gaigai qanam Yesus a atra tal miligiq di sosiqa tamo uŋgasari naŋgi Qotei aqa anjam palontosiq minjroqnej. Qoloeqnaqa a olo qure uratoqnsiqa mana ñam Oliv dia ŋeioqnej.

Luk 22:39

Ariya Yesus aqa kumbra gaigai yoqnej qaji di dauryosiqa Jerusalem qure uratosiq Oliv manaq oqej. Aqa aŋgro naŋgi dego a dauryosib oqeb.

Luk 24:50

Yesus a na aqa aŋgro naŋgi anjam degsi minjrsiqa naŋgi joqsiqa Jerusalem qure uratosiq Betani qureq gilej. Gilsiq dia aqa baŋ soqtosiqa aqa aŋgro naŋgi qa pailyej.

Aposel 1:12

Mana naŋgi soqneb qaji aqa ñam Oliv mana. Mana di Jerusalem qure jojomq di unu. Deqa naŋgi mana dena olo puluosib Jerusalem aisib tal gogetosib naŋgo warum bei gogeqsi naŋgi gaigai soqneb qaji warum deq gileb. Yesus aqa aŋgro warum deq gileb qaji naŋgo ñam agiende. Pita na Jon na Jems na Andru na Filip na Tomas na Bartolomyu na Matyu na Alfius aqa ŋiri Jems na Saimon a nami Rom naŋgi winjrqajqa maroqnej qaji a na Jems bei aqa ŋiri Judas na. Yesus aqa aŋgro 11-pela naŋgi di warum deq gileb.