Luk 18:39 - Yesus Aqa Anjam Bole

³⁹ Onaqa tamo uŋgasari namoeb qaji naŋgi na tamo di ŋiriŋtosib minjeb, “Ni leleŋkobaaim. Kiri.” Degsi minjnabqa a naŋgo anjam quetnjrosai. A olo tulaŋ koba leleŋosiq Yesus minjoqnej, “O Devit aqa Ŋiri, ni e qa are ugeimeme.”

Luk 18:39 ပူးပေါင်းရင်းမြစ်များ

Matyu 7:7

Osiqa Yesus a olo anjam endegsi minjrej, “Niŋgi iŋgi bei qa osib Qotei pailyqab di a na iŋgi di eŋgwas. Niŋgi iŋgi bei oqa marsibqa ŋamqab di itqab. Niŋgi siraŋme kindokindoŋabqa Qotei na siraŋ waqtetŋgwas.

Matyu 8:26

Onaqa Yesus a tigelosiqa minjrej, “Niŋgi e qa nuŋgo areqalo siŋgilatqa yonub tulaŋ keresaiiŋgwo. Niŋgi kiyaqa ulaonub?” Degsi minjrsiqa jagwa ti ya ti ŋiriŋtnjrnaqa jagwa ti ya ti laeb.

Matyu 9:27

Onaqa Yesus a qure di uratosiq a olo walwelosiq gileqnaqa tamo aiyel ŋamdamu geteŋnjro qaji naŋgi gam na Yesus dauryosib giloqneb. Naŋgi giloqnsib leleŋoqnsib Yesus minjoqneb, “O Devit aqa Ŋiri, ni iga qa are ugeimeme.”

Luk 11:52

“O dal anjam qalie tamo, niŋgi quiye. Tamo uŋgasari naŋgi Qotei qalieqajqa gam itqa mareqnabqa niŋgi na olo gam getentetnjreqnub. Niŋgi segi na Qotei qalieqajqa gam itqa keresai. Deqa tamo uŋgasari naŋgi dego gam itqa yeqnab niŋgi na gam getentetnjreqnub. Nuŋgo une deqa niŋgi tulaŋ padalougetqab.”

Luk 18:1

Yesus a na aqa aŋgro naŋgi anjam degsi minjrej. Osiqa naŋgi bati gaigai Qotei pailyoqnib asginjraim deqa olo yawo anjam bei endegsi minjrej, “Qure beiq dia anjam pegiyo tamo bei soqnej. Tamo di aqa kumbra bolesai. A Qotei ulaiyosaioqnej. A tamo uŋgasari naŋgi qa dego are qalosaioqnej.

Luk 18:15

Yesus a anjam degsi marsiq koboonaqa tamo uŋgasari qudei naŋgo aŋgro du du naŋgi Yesus na aqa baŋ naŋgo gateq di atetnjrqajqa deqa joqsib Yesus aqa areq beb. Beqnabqa Yesus aqa aŋgro naŋgi na saidnjrsib minjreb, “Nuŋgo aŋgro du du joqsib endeq baib.”

Luk 18:38

Degsi minjnabqa a tulaŋ koba leleŋosiqa marej, “O Yesus, Devit aqa Ŋiri, ni e qa are ugeimeme.”

Luk 18:40

Onaqa Yesus a tigelosiqa tamo uŋgasari naŋgi minjrej, “Tamo di osib ijo areq osi boiye.” Onaqa naŋgi na a osib Yesus aqa areq osi beb. Osi bonabqa nenemyej,

Luk 19:39

Onaqa Yesus a walwelosi aieqnaqa tamo uŋgasari naŋgo ambleq dena Farisi tamo qudei naŋgi tigelosib Yesus minjeb, “O Qalie Tamo Koba, ni ino aŋgro naŋgi medabu getentetnjrime.”

Luk 8:49

A na uŋa degsi minjsiq walwelosi gileqnaqa tamo bei a Jairus aqa talq dena bosiqa gamq dia Jairus wo Yesus wo turosiq a na Jairus minjej, “Uŋgum. Ino aŋgro nami moiqo. Deqa ni Tamo Koba Yesus laŋa wau koba yaim. Uratim gilem.”

2 Korin 12:8

Deqa e endegsi siŋgila na Qotei pailyoqalubtem, “O Abu, ni na gulube di olo taqal atetbime.”