Luk 18:17 - Yesus Aqa Anjam Bole

¹⁷ Niŋgi quiye. E bole merŋgwai. Niŋgi aŋgro du du naŋgi dego bul sqasai di Qotei a niŋgi osim taqatŋgwasai. Deqa a nuŋgo Mandor Koba sqa keresai dego.”

Luk 18:17 ပူးပေါင်းရင်းမြစ်များ

Matyu 18:3

Osornjrsiqa minjrej, “Niŋgi quiye. E bole merŋgwai. Niŋgi are bulyosib aŋgro kiñala endego bulqasai di Qotei a niŋgi osim taqatŋgwasai. Deqa a nuŋgo Mandor Koba sqasai dego.

Matyu 19:14

Degsib saidnjreb deqa Yesus na aqa aŋgro naŋgi minjrej, “Aŋgro du du naŋgi metnjribqa ijo areq bebe. Naŋgi saidnjraib. Di kiyaqa? Tamo uŋgasari naŋgi aŋgro du du dego bul sqab di Qotei a naŋgo Mandor Koba sosim naŋgi taqatnjrqas.”

Mak 10:15

Niŋgi quiye. E bole merŋgwai. Tamo bei a aŋgro du du naŋgi dego bul sqasai di Qotei na a osim taqatqasai. Deqa a naŋgo Mandor Koba sqa keresai dego.”

Luk 18:16

Degsib saidnjreb deqa Yesus na aŋgro du du naŋgi metnjrsiqa aqa aŋgro naŋgi ŋiriŋtnjrsiqa minjrej, “Aŋgro du du naŋgi metnjribqa ijo areq bebe. Naŋgi saidnjraib. Di kiyaqa? Tamo uŋgasari naŋgi aŋgro du du dego bul sqab di Qotei a naŋgo Mandor Koba sosim naŋgi taqatnjrqas.

1 Korin 14:20

O was qu, niŋgi aŋgro kiñilala naŋgi bulosib nanariosib walwelaib. Niŋgi tamo bole bole naŋgi bulosib areqalo bole na walweloqniye. Niŋgi qalie, aŋgro mom naŋgi kumbra uge qa poinjrosaieqnu. Deqa niŋgi kumbra uge kalil qa aŋgro mom naŋgi bulosib nanariosib soqniye.

1 Pita 1:14

Sosib niŋgi aŋgro du du bulosib Qotei aqa anjam geregere qusib dauryoqniye. Nami niŋgi Qotei qaliesai deqa niŋgi areqalo uge uge dauryoqneb. Ariya bini niŋgi kumbra di olo dauryaib. Uratiye.

1 Pita 2:2

Iga qalie, aŋgro mom naŋgi muŋgum qaq uyqajqa qarnjreqnu. Dego kere niŋgi muŋgum qaq boledamu Qotei aqaq dena beqnu qaji di oqajqa are qaloqniye. Muŋgum qaq di agi Qotei aqa anjam. Muŋgum qaq di jiga bei saiqoji. Muŋgum qaq dena nuŋgo qunuŋ aqaryaiyimqa niŋgi tulaŋ boleosib siŋgilaqab. Yim Qotei na niŋgi oqas.