Luk 18:14 - Yesus Aqa Anjam Bole

¹⁴ Yesus a yawo anjam degsi minjrsiqa olo minjrej, “Niŋgi quiye. E bole merŋgwai. Takis o qaji tamo di aqa une kalil Qotei na kobotetonaqa a olo puluosiqa aqa talq aiej. Ariya Farisi tamo di aqa une Qotei na kobotetosai. Di kiyaqa? Tamo kalil naŋgo segi ñam soqteqnub qaji naŋgi di Qotei na olo naŋgo ñam aguq atetnjrqas. Ariya tamo naŋgi naŋgo segi ñam aguq ateqnub qaji naŋgi di Qotei na olo naŋgo ñam soqtetnjrqas.”

Luk 18:14 ပူးပေါင်းရင်းမြစ်များ

Matyu 23:12

Tamo naŋgi naŋgo segi ñam soqteqnub qaji naŋgo ñam Qotei na aguq atetnjrqas. Ariya tamo naŋgi naŋgo segi ñam soqtosaieqnub qaji Qotei na olo ñam kobaquja enjrqas.”

Matyu 5:3

“Tamo uŋgasari qudei naŋgi endegsi poinjrqo, naŋgi Qotei aqa ŋamgalaq di tulaŋ keresai. Naŋgi degsi poinjrqo deqa naŋgi tulaŋ areboleboleinjreme. Di kiyaqa? Qotei laŋ qureq di unu qaji a naŋgo Mandor Koba sosim naŋgi taqatnjrqas.

Luk 1:52

Qotei a na mandor kokba naŋgi kobotnjroqnsiqa tamo uŋgasari naŋgo segi ñam soqtqa are qalosaieqnub qaji naŋgi gereinjroqnsiqa ñam koba enjreqnu.

Luk 10:29

Onaqa tamo dena aqa segi ñam soqtqajqa are qalsiqa deqa Yesus olo nenemyej, “Tamo yai a ijo was deqa gereiyqai?”

Luk 14:11

Tamo naŋgi naŋgo segi ñam soqteqnub qaji naŋgo ñam Qotei na aguq atqas. Ariya tamo naŋgi naŋgo segi ñam soqtosaieqnub qaji Qotei na ñam kobaquja enjrqas.”

Luk 16:15

Onaqa Yesus na kamba Farisi naŋgi minjrej, “Niŋgi mareqnub, ‘Iga kumbra bole yo qaji tamo. Tamo uŋgasari naŋgo ŋamdamuq dia iga kumbra bole bole yeqnum.’ Niŋgi degsib mareqnub. Ariya nuŋgo are miligi di Qotei a segi qalie. Di kiyaqa? Kumbra qudei tamo naŋgi arearetnjreqnu qaji di Qotei aqa ŋamdamuq di tulaŋ ugedamu.

Rom 3:20

Deqa tamo bei a dal anjam dauryosim dena a Qotei aqa ŋamgalaq di tamo bole une saiqoji sqajqa tamo dego bei sosai. Dal anjam na iga gago une osorgeqnu. Di segi.

Rom 4:5

Ariya tamo bei a Qotei aqa ŋamgalaq di tamo bole sqa marsimqa a kierqas? A kumbra bole yoqnqas gam dena a tamo bole sqas e? Sai. Ariya a Qotei qa aqa areqalo siŋgilatosim endegsi marqas, “Qotei a na tamo une ti unub qaji naŋgi olo tamo bole qa minjreqnu.” A degsim Qotei qa aqa areqalo siŋgilatosim marimqa gam dena Qotei na a tamo bole une saiqoji qa minjqas.

Rom 5:1

Ariya iga Yesus qa gago areqalo siŋgilatem deqa Qotei na iga tamo bole une saiqoji qa mergej. Gago Tamo Koba Yesus Kristus a jeu kobotej deqa iga Qotei ombla geregere unum.

Rom 8:33

Qotei na iga aqa segi qa giltgej deqa tamo yai na gago une qa olo mergwas? Tamo dego bei sosai. Qotei a segi na iga tamo bole une saiqoji qa mergej.

Galesia 2:16

Ariya iga qalieonum, tamo naŋgi Moses aqa dal anjam dauryqab dena Qotei na naŋgi tamo bole une saiqoji qa minjrqasai. Tamo naŋgi Kristus Yesus qa naŋgo areqalo siŋgilatqab gam dena qujai Qotei na naŋgi tamo bole une saiqoji qa minjrqas. Iga dego Kristus Yesus qa gago areqalo siŋgilateqnum. Di kiyaqa? Iga qalie, gam dena qujai Qotei na iga tamo bole une saiqoji qa mergwas. Iga dal anjam dauryqom gam dena sai. Di kiyaqa? Tamo bei a dal anjam dauryqas Qotei a deqa are qalsim a tamo bole une saiqoji qa minjqasai. Sai bolesai.

Jems 4:10

Osib niŋgi Tamo Koba Qotei aqa ŋamgalaq dia nuŋgo segi ñam aguq atoqniye. Niŋgi degyqab di Qotei na olo nuŋgo ñam soqtetŋgwas.

Jems 4:6

Ariya Qotei a iga qa are tulaŋ boleiyeqnu. Deqa aqa anjam bei nami endegsib neŋgreŋyeb unu, “Tamo naŋgi naŋgo segi ñam soqteqnub qaji naŋgi Qotei na olo jeutnjreqnu. Ariya tamo naŋgi naŋgo segi ñam aguq ateqnub qaji naŋgi qa Qotei a olo are boleiyoqnsiq gereinjreqnu.”