Luk 18:13 - Yesus Aqa Anjam Bole

¹³ Farisi tamo a degsiqa Qotei pailyej. Onaqa takis o qaji tamo a kiñala isaq di tigelesosiqa laŋ goge koqyosim pailyqajqa jemaiyonaqa turuosiqa are soqoŋyosiqa marej, ‘O Qotei, e une ti. Deqa ni e qa dulosimqa ijo une kalil kobotetbe.’ Takis o qaji tamo a degsiqa Qotei pailyej.”

Luk 18:13 ပူးပေါင်းရင်းမြစ်များ

Matyu 10:3

Ariya Filip wo Bartolomyu wo. Bei Tomas naŋgi takis o qaji tamo Matyu wo. Bei Alfias aqa ŋiri Jems naŋgi Tadius wo.

Matyu 6:5

Osiqa Yesus a olo anjam endegsi minjrej, “Niŋgi Qotei pailyqa osibqa gisaŋ tamo naŋgi pailyeqnub degsib pailyaib. Gisaŋ tamo naŋgi Qotei pailyqa oqnsib tamo uŋgasari naŋgo ŋamgalaq dia tigeleqnab unjroqnsib naŋgo ñam soqteqnub. Tamo naŋgi di Qotei tal miligiq dia, qure ambleq dia, gam kokba qalaq dia kumbra degyeqnub. Deqa niŋgi quiye. E bole merŋgwai. Qotei a naŋgi awai bole enjrqasai. Naŋgo awai agi tamo uŋgasari naŋgi na naŋgo ñam soqtetnjreqnub di kere.

Matyu 9:13

Qotei aqa anjam bei nami neŋgreŋyeb qaji di niŋgi sisiyoiye. Agi nami endegsib neŋgreŋyeb, ‘Niŋgi e laŋa atraibeqnub. E nuŋgo kumbra deqa arearetbosai. Ariya niŋgi na tamo naŋgi kumbra bole bole enjroqniye. Yimqa e nuŋgo kumbra deqa tulaŋ arearetbqas.’ Niŋgi anjam di sisiyosib geregere poiŋgem.” Osiqa Yesus a olo anjam endegsi minjrej, “Tamo bei a marqas, ‘E tamo bole. E une saiqoji.’ E tamo deqaji naŋgi metnjrit ijoq bqajqa e deqa bosai. Tamo a marqas, ‘E une ti.’ E tamo deqaji naŋgi metnjrit ijoq bqajqa e deqa bem.”

Mak 11:25

Deqa niŋgi Qotei pailyqa osibqa tamo bei qa ŋiriŋ ti soqnimqa mati aqa une di kobotosim ariya niŋgi Qotei pailyiye. Yimqa nuŋgo Abu laŋ qureq di unu qaji a kamba nuŋgo une kalil kobotetŋgwas.

Luk 17:12

Aioqnsiq qure beiq di brantej. Onaqa tamo 10-pela naŋgo jejamu yu na ugeeleŋej qaji naŋgi bosib gamq dia Yesus itosibqa naŋgi kiñala isaq di tigelosib tulaŋ koba maosib minjeb, “O Tamo Koba Yesus, ni iga qa are ugeimimqa aqaryaige.”

Luk 22:41

Yesus a degsi minjrsiqa naŋgi uratnjrsiq kiñala sasalej. Tamo bei na meniŋ waiyim isaq yala gilqas dego kere a sasalosiqa siŋga pulutosiq Qotei pailyej.

Luk 23:48

Onaqa tamo uŋgasari kalil Yesus unqa beleŋeb qaji naŋgi dego Yesus degsi moiej di unsibqa a qa tulaŋ are ugeinjrnaqa are soqoŋyeb. Osib jaraiosib naŋgo segi segi talq gileleŋeb.

Luk 5:8

Onaqa Pita a Yesus aqa maŋwa di unsiqa Yesus aqa siŋgaq di siŋga pulutosiq minjej, “O Tamo Koba, e une tamo. Deqa ni e uratbosim gile.”

Aposel 2:37

Onaqa naŋgi Pita aqa anjam di qunabqa anjam dena naŋgo are qametnjrej. Deqa naŋgi na Yesus aqa aŋgro naŋgi Pita ombla minjreb, “O gago was niŋgi na mergiye. Iga kieronamqa Qotei na iga eleŋamqa iga padalqasai?”

Rom 5:8

Ariya iga une tamo sonamqa Kristus a iga qa moiej. Aqa kumbra dena Qotei na iga osorgwo, a iga tulaŋ qalaqalaigeqnu.

2 Korin 7:11

Niŋgi geregere are qaliye. Are gulube Qotei na niŋgi eŋgej qaji dena niŋgi siŋgilatŋgej deqa niŋgi are bulyosib agi kumbra bole bole yeqnub. Are gulube dena Qotei na nuŋgo are tigeltetŋgonaqa niŋgi nuŋgo une gereiyosib tamo qujai une yej qaji di a ŋiriŋteb. Osib niŋgi Qotei ulaiyosib aqa sorgomq di soqneb. Qotei na nuŋgo are tigeltetŋgej deqa niŋgi iga qa are koba qaleqnub. Osib niŋgi tamo qujai une yej qaji di aqa une olo gereiyetqa dego are qaleqnub. Niŋgi segi na nuŋgo une di gereiyqajqa are qaleqnub. Nuŋgo kumbra dena iga qalieonum, bole, niŋgi une saiqoji.

1 Timoti 1:15

Kristus Yesus a na iga tamo uŋgasari une yeqnum qaji iga eleŋqa marsiq deqa mandamq aiej. Anjam di bole. Tamo kalil naŋgi qusib marqab, “Bole.” O Timoti, e nami une gargekoba yoqnem deqa e na une tamo kalil naŋgi tulaŋ buŋnjroqnem.

Hibru 4:16

Deqa iga Qotei aqa areq giloqnqom. Iga aqa areq gilqa ulaqasai. A iga qa are tulaŋ boleiyeqnu. Deqa iga aqa areq giloqnim a iga qa duloqnqas. Iga gulube ti soqnim a iga qa are boleiyoqnsim gago gulube qa aqaryaigoqnqas.

Hibru 8:12

Di kiyaqa? E naŋgi qa dulosiy naŋgo une kobotetnjrqai. Deqa bunuqna e naŋgo une qa olo are qalqasai.’” Qotei a nami degsi marej.