Luk 18:11 - Yesus Aqa Anjam Bole

¹¹ Naŋgi atra tal miligiq gilsibqa Farisi tamo a namo tigelosiqa aqa segi jejamu soqtosiqa endegsi pailyej, ‘O Qotei, e tamo qudei naŋgi unub dego sai. E gisaŋ na tamo uŋgasari naŋgi silali yainjrosaieqnum. E sambala kumbra yosaieqnum. E kumbra uge bei dego yosaieqnum. E takis o qaji tamo di bul sai.

Luk 18:11 ပူးပေါင်းရင်းမြစ်များ

Matyu 10:3

Ariya Filip wo Bartolomyu wo. Bei Tomas naŋgi takis o qaji tamo Matyu wo. Bei Alfias aqa ŋiri Jems naŋgi Tadius wo.

Matyu 5:20

E niŋgi endegsi merŋgwai. Niŋgi Qotei aqa areqalo dauryqa uratosib nuŋgo kumbra bole a dal anjam qalie tamo naŋgi ti Farisi ti naŋgo kumbra bole buŋyqasai di Qotei a niŋgi taqatŋgosim nuŋgo Mandor Koba sqasai. Deqa niŋgi laŋ qureq oqwa keresai.”

Matyu 6:5

Osiqa Yesus a olo anjam endegsi minjrej, “Niŋgi Qotei pailyqa osibqa gisaŋ tamo naŋgi pailyeqnub degsib pailyaib. Gisaŋ tamo naŋgi Qotei pailyqa oqnsib tamo uŋgasari naŋgo ŋamgalaq dia tigeleqnab unjroqnsib naŋgo ñam soqteqnub. Tamo naŋgi di Qotei tal miligiq dia, qure ambleq dia, gam kokba qalaq dia kumbra degyeqnub. Deqa niŋgi quiye. E bole merŋgwai. Qotei a naŋgi awai bole enjrqasai. Naŋgo awai agi tamo uŋgasari naŋgi na naŋgo ñam soqtetnjreqnub di kere.

Mak 11:25

Deqa niŋgi Qotei pailyqa osibqa tamo bei qa ŋiriŋ ti soqnimqa mati aqa une di kobotosim ariya niŋgi Qotei pailyiye. Yimqa nuŋgo Abu laŋ qureq di unu qaji a kamba nuŋgo une kalil kobotetŋgwas.

Luk 20:47

Naŋgi na uŋa qobul naŋgi gisaŋnjroqnsibqa naŋgo tal ti iŋgi iŋgi ti laŋa yainjreqnub. Naŋgi qure ambleq dia tigeloqnsibqa tamo uŋgasari naŋgi na naŋgi unjrsib naŋgo ñam soqtetnjroqnqajqa deqa pail olekokba yeqnub. Di gisaŋ koba. Deqa mondoŋ tamo naŋgo une qa peginjrqa bati qa Qotei na naŋgi gulube tulaŋ kobaquja enjrqas.”

Luk 22:41

Yesus a degsi minjrsiqa naŋgi uratnjrsiq kiñala sasalej. Tamo bei na meniŋ waiyim isaq yala gilqas dego kere a sasalosiqa siŋga pulutosiq Qotei pailyej.

Galesia 3:10

Ariya tamo qudei naŋgi endegsib are qaleqnub, “Iga dal anjam dauryqom gam dena iga Qotei aqa ŋamgalaq di tamo bole une saiqoji sqom.” O was qu, tamo naŋgi di Qotei na padaltnjrqas. Di kiyaqa? Qotei aqa anjam bei nami endegsib neŋgreŋyeb unu, “Tamo bei a Qotei aqa dal anjam kalil neŋgreŋq di unu qaji di dauryekritosim ariya qujai bole qujai grotqas di Qotei na a padaltqas.”

Filipai 3:6

Osimqa e Qotei aqa wau ojqajqa tulaŋ siŋgilaoqnem. Deqa e na Kristen tamo uŋgasari naŋgi ugeugeinjroqnem. E dal anjam kalil dauryekritem deqa tamo kalil naŋgi e nuboqnsib ijo une bei babtosaioqneb.

Uli Anjam 3:17

Ni ino segi ñam soqtoqnsim mareqnum, “E silali koba ti. E ñoro koba ejunum. E iŋgi bei qa truquosai.” Ni degsi maraim. Di ni gisaŋonum. Ni laŋ qure qa iŋgi iŋgi tulaŋ saiqoji. Ni tulaŋ sougetejunum. Ni ŋam qandimo unum. Ni yosi laqnum. Di ni segi poimosai.