Luk 17:34 - Yesus Aqa Anjam Bole

³⁴ “E na niŋgi endegsi merŋgwai. Ijo bqajqa bati brantimqa qolo deqa tamo aiyel bijal qujaiq di ŋereŋesoqnibqa Qotei na bei laŋ qureq osi oqsimqa bei uratim sqas.

Luk 17:34 ပူးပေါင်းရင်းမြစ်များ

Matyu 24:25

“Niŋgi quiye. Kumbra kalil di brantosaisonaqa agi e namoqna merŋgonum.

Mak 13:23

Deqa niŋgi geregere ŋam atsib soqniye. Kumbra kalil di brantosaisonaqa agi e namoqna merŋgonum.”

Mak 14:29

Onaqa Pita na minjej, “Aŋgro kalil naŋgi ino ñam ulontosib jaraiqab e segi ino ñam ulontqasai.”

Luk 13:24

“Niŋgi siraŋme kiñalaq dena miligiq gilqajqa wauoiye. Niŋgi quiye. Tamo gargekoba naŋgi miligiq gilqajqa wauoqnib ugeinjroqnqas.

Luk 13:3

Niŋgi degsib are qalaib. E niŋgi merŋgwai. Niŋgi are bulyqasai di niŋgi kalil dego padalqab.

Luk 13:5

Niŋgi degsib are qalaib. E niŋgi merŋgwai. Niŋgi are bulyqasai di niŋgi kalil dego padalqab.”

Luk 17:33

Tamo bei a aqa segi ŋambile qa areqalo kobaiyqas di a padalqas. Ariya tamo bei a aqa segi ŋambile uratqas di a olo ŋambile bole oqas.

Luk 17:35

Uŋa aiyel tal qujaiq dia saplaŋ gereiyoqnibqa Qotei na bei laŋ qureq osi oqsimqa bei uratim sqas.

2 Pita 2:9

Ariya was qu, Tamo Koba Qotei a nami degsiqa tamo uge uge naŋgo une qa maroqnsiq naŋgi padaltnjroqnej. Deqa iga qalieonum, tamo naŋgi Qotei dauryeqnub qaji naŋgi gulube iteqnabqa a na olo naŋgi eleŋeqnu. Naŋgi eleŋqajqa gam di Qotei a bole qalie. Tamo uge uge naŋgo kumbra di dego Qotei a qalie. Deqa mondoŋ a na naŋgi osim naŋgo une qa peginjrsim awai uge enjrqas.