Luk 17:28 - Yesus Aqa Anjam Bole

^28-29 Lot aqa bati qa dego tamo uŋgasari naŋgi iŋgi uyoqnsib ya uyoqnsib iŋgi iŋgi awaiyeleŋoqnsib silali oqnsib iŋgi yageleŋoqnsib tal ateleŋoqneb. Naŋgi kumbra degyoqnsib sonabqa Lot a Sodom qure uratosiq ulaŋeqnaqa ŋamyuo ti meniŋ puloŋ ti laŋ goge dena awa bul aisiqa Sodom tamo uŋgasari kalil naŋgi padaltnjrej.

Luk 17:28 ပူးပေါင်းရင်းမြစ်များ

Matyu 21:12

Onaqa Yesus a walwelosi aisiqa atra tal koba miligiq gilsiqa ŋam atej tamo uŋgasari gargekoba naŋgi iŋgi iŋgi qariŋyeleŋoqnsibqa dena silali eqnab unjrsiqa naŋgi winjrnaq jaraieb. Tamo uŋgasari silali piloqneb qaji naŋgi ti tamo uŋgasari binoŋ qariŋysib dena silali oqneb qaji naŋgi ti naŋgo jar ti jaram ti bilbelyosiqa naŋgi dego winjrnaq jaraieb.

Luk 17:27

Agi Noa aqa bati qa naŋgi kalil iŋgi uyoqnsib ya uyoqnsib uŋa baŋ ojeleŋoqnsib sonabqa Noa a qobuŋ miligiq gilnaqa awa koba aisiqa mandam ya maqonaqa tamo kalil moreŋekriteb.