Luk 17:25 - Yesus Aqa Anjam Bole

²⁵ Ariya namoqna e jaqatiŋ koba oqai. Amqa tamo uŋgasari bini bati endeqa unub qaji naŋgi na e qoreibqab.

Luk 17:25 ပူးပေါင်းရင်းမြစ်များ

Matyu 16:21

Bati deqa Yesus na aqa aŋgro naŋgi endegsi minjrej, “E Jerusalem aieqnum. Dia Juda tamo kokba ti atra tamo kokba ti dal anjam qalie tamo naŋgi ti e jaqatiŋ koba ebsib lubsib moiotbqab. Bati qalub koboamqa e olo subq na tigelqai.” Yesus a anjam di ubtsiq minjrej.

Matyu 21:42

Naŋgi degsib Yesus minjnabqa a na olo minjrej, “Qotei aqa anjam bei unu. Niŋgi anjam di nami sisiyosai kio? Agi anjam nami endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu. Tamo Koba Qotei a segi na tal aqa ai di tigeltej deqa iga unsim mareqnum, “Tal aqa ai di tulaŋ bolequja.” ’

Mak 10:33

A na naŋgi endegsi minjrej, “Niŋgi quiye. Iga Jerusalem aieqnum. E Tamo Aŋgro deqa Jerusalem dia jeu tamo naŋgi na e osib dal anjam qalie tamo naŋgi ti atra tamo kokba ti naŋgo baŋq di e atqab. Yimqa naŋgi na e ojsib ijo jejamu laŋa gisaŋyosib merbqab, ‘Ni une ti. Deqa ni moiqam.’ Naŋgi na e degsib gisaŋbosib e ojsib tamo naŋgi Qotei aqa ñam qaliesai qaji naŋgo baŋq di e atqab. Yimqa naŋgi na e ojsib misiliŋboqnsib miselboqnsib bu toqoŋ na e kumbaiŋboqnqab. Osib e ŋamburbasq di lubsib moiotbqab. Ariya bati qalub koboamqa e olo subq na tigelqai.”

Mak 12:10

“Qotei aqa anjam bei unu. Niŋgi anjam di nami sisiyosai kio? Agi anjam nami endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu.

Mak 8:31

Osiqa minjrej, “E Tamo Aŋgro. Deqa bunuqna e jaqatiŋ koba oqai. Juda tamo kokba ti atra tamo kokba ti dal anjam qalie tamo naŋgi ti e qoreibosib lubsib moiotbqab. Bati qalub koboamqa e olo subq na tigelqai.”

Mak 9:31

Giloqnsibqa gamq dia Yesus na aqa aŋgro naŋgi anjam endegsi minjrej, “E Tamo Aŋgro. Deqa jeu tamo naŋgi na e ojsibqa qaja tamo naŋgo baŋq di atib lubib moiqai. Bati qalub koboamqa e olo subq na tigelqai.”

Luk 18:31

Yesus a na aqa aŋgro 12-pela naŋgi anjam degsi minjrsiq koboonaqa naŋgi joqsiqa segitnjrsiqa endegsi minjrej, “Niŋgi quiye. Iga Jerusalem aieqnum. E Tamo Aŋgro deqa Jerusalem dia anjam kalil Qotei aqa medabu o tamo naŋgi nami e qa neŋgreŋyeb qaji di aqa damu brantqas.

Luk 18:33

Osib e kumbaiŋbosib lubsib moiotbqab. Bati qalub koboamqa e olo subq na tigelqai.”

Luk 24:46

Onaqa Yesus na olo minjrej, “Qotei aqa anjam bei nami endegsib neŋgreŋyeb unu, ‘Kristus a jaqatiŋ koba osim moiqas. Moisim bati qalub koboamqa a olo subq na tigelqas.’ Nami e qa anjam degsib neŋgreŋyeb unu.

Luk 9:22

Osiqa minjrej, “E Tamo Aŋgro. Deqa bunuqna e jaqatiŋ koba oqai. Agi Juda tamo kokba ti atra tamo kokba ti dal anjam qalie tamo naŋgi ti e qoreibosib lubsib moiotbqab. Bati qalub koboamqa e olo subq na tigelqai.”

Jon 1:11

A aqa segi qure utruq ainaqa aqa leŋ naŋgi a areiyosai.

Jon 12:38

Naŋgo kumbra uge dena anjam bei nami Qotei aqa medabu o tamo Aisaia na marej qaji di aqa damu brantej. A endegsi marej, “O Tamo Koba, tamo yai a gago anjam endi qusiqa aqa areqaloq di siŋgilatqo? Tamo yai a Tamo Koba Qotei aqa siŋgila unqo?” Aisaia a nami anjam degsi marej.