Luk 16:13 - Yesus Aqa Anjam Bole

¹³ “Tamo qujai a tamo kokba aiyel naŋgo sorgomq di sqa keresai. A tamo kobaquja bei qalaqalaiyosim olo tamo kobaquja bei qa are ugeiyqas. Bei aqa anjam dauryoqnqas. Bei qoreiyqas. Dego kere niŋgi silali ti Qotei ti ombla turtsib naŋgo sorgomq di sqa keresai.”

Luk 16:13 ပူးပေါင်းရင်းမြစ်များ

Matyu 4:10

Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Matyu 6:24

Osiqa Yesus a olo anjam endegsi minjrej, “Tamo qujai a tamo kokba aiyel naŋgo sorgomq di sqa keresai. A na tamo kobaquja bei qalaqalaiyosim olo tamo kobaquja bei jeutqas. Bei aqa anjam dauryoqnsim olo bei qoreiyoqnqas. Dego kere niŋgi mandam qa iŋgi iŋgi ti Qotei ti turtnjrsib naŋgo sorgomq di sqa keresai.”

Luk 11:23

“Tamo bei na e kadoibqasai di a na e jeutbqas. A na e tamo uŋgasari naŋgi koroinjrqajqa aqaryaibqasai di a na tamo uŋgasari naŋgi olo winjrim jaraiqab.”

Luk 14:26

“Tamo bei a e daurbqa osimqa aqa abu, aqa ai, aqa ŋauŋ, aqa aŋgro naŋgi, aqa was naŋgi, aqa jaja naŋgi ti, aqa segi jejamu dego jeutnjrqasai di a ijo aŋgro sqa keresai.

Luk 16:12

Niŋgi tamo bei aqa ñoro geregere taqatqasai di nuŋgo segi ñoro dego geregere taqatqa keresai. Deqa tamo yai na ñoro bei nuŋgo baŋq di atqas? Tamo dego bei sosai.

Luk 16:9

“Deqa e niŋgi endegsi merŋgwai. Niŋgi mandam qa ñoro na tamo uŋgasari naŋgi aqaryainjroqnibqa naŋgi na niŋgi kadoiŋgwab. Osib bunuqna mandam qa ñoro kalil koboamqa naŋgi na niŋgi joqsib tal gaigai sqas qaji dia niŋgi geregereiŋgoqnqab.

Luk 9:50

Onaqa Yesus na minjej, “Niŋgi a saidyaib. Tamo naŋgi niŋgi jeutŋgosaieqnub qaji naŋgi niŋgi koba na wau qujai.”

Jems 4:4

Uŋa bei na aqa gumbuluŋ uratosiq olo tamo bei ombla sambala kumbra yeqnub dego kere niŋgi Qotei uratobuloqnsib kumbra uge uge yeqnub. Niŋgi quiye. Tamo bei a mandam qa kumbra qa tulaŋ areboleboleiyqas di a olo Qotei jeutqas. Niŋgi di qaliesai kio? Deqa tamo bei na mandam qa kumbra kadoiyqas di a Qotei ti jeu sqas.