Luk 15:7 - Yesus Aqa Anjam Bole

⁷ Osiqa Yesus na olo minjrej, “Dego kere une tamo qujai a are bulyimqa laŋ goge dia naŋgi a qa tulaŋ areboleboleinjrqas. Bole, tamo tiŋtiŋ 99 naŋgi nami are bulyeb. Deqa naŋgi olo are bulyqajqa wau saiqoji. Naŋgi qa dego laŋ goge dia naŋgi areboleboleinjreqnu. Ariya une tamo qujai a are bulyimqa naŋgi a qa tulaŋ areboleboleinjrqas.”

Luk 15:7 ပူးပေါင်းရင်းမြစ်များ

Matyu 18:13

Niŋgi quiye. E bole merŋgwai. A na kaja du qujai di itosim tulaŋ areboleboleiyqas. Kaja du du 99 alelosai qaji naŋgi qa tulaŋ areboleboleiyqasai. Ariya qujai alelqo qaji a qa tulaŋ areboleboleiyqas.

Matyu 3:8

Niŋgi are bulyqa marsibqa kumbra bole bole babtoqniye. Yim tamo naŋgi unsib marqab, ‘Bole, niŋgi are bulyonub.’

Luk 15:10

Osiqa Yesus na olo minjrej, “Dego kere une tamo qujai a are bulyimqa Qotei aqa laŋ aŋgro naŋgi a qa tulaŋ areboleboleinjrqas.”

Luk 15:29

Onaqa ŋiri koba a na kamba aqa siqali minjej, ‘O Abu, ni que. E wausau gargekoba ino anjam dauryosim ni wauetmoqnem. E ino anjam bei yala gotraŋyosaioqnem. Ni deqa e qa are qalsim e ijo kadoi naŋgi ti koba na areboleboleigwajqa kaja du bei qalsim goiosaieqnum.

Luk 15:32

Ariya bini iga maruro atsimqa areboleboleigeqnu. Di kiyaqa? Ino was a moiobulosiq agi olo ŋambile sosiq bqo deqa. A loumej agi gagoq di olo brantqo.’”

Luk 15:6

Qoboiyosi aisim aqa qureq di brantosim aqa was naŋgi ti aqa qure qujai naŋgi ti kalil koroinjrsimqa minjrqas, ‘Niŋgi uniye. Ijo kaja alelqo qaji agi olo itonum! Deqa niŋgi e ombla areboleboleigim sqom!’”

Luk 15:8

Osiqa Yesus a olo anjam endegsi minjrej, “Uŋa bei aqa silali baŋga 10-pela sqas. Ariya silali baŋga qujai loumimqa a lam qatrentosim aqa talq di maŋ solsim ŋamosim itqas.

Luk 16:15

Onaqa Yesus na kamba Farisi naŋgi minjrej, “Niŋgi mareqnub, ‘Iga kumbra bole yo qaji tamo. Tamo uŋgasari naŋgo ŋamdamuq dia iga kumbra bole bole yeqnum.’ Niŋgi degsib mareqnub. Ariya nuŋgo are miligi di Qotei a segi qalie. Di kiyaqa? Kumbra qudei tamo naŋgi arearetnjreqnu qaji di Qotei aqa ŋamdamuq di tulaŋ ugedamu.

Luk 5:32

Tamo bei a marqas, ‘E tamo bole. E une saiqoji.’ E tamo deqaji metit ijoq bqajqa e deqa bosai. Tamo a marqas, ‘E une ti.’ E tamo deqaji metit ijoq bqajqa e deqa bem.”

Rom 7:9

Nami e Qotei aqa dal anjam qalieosaisosimqa bati deqa e ŋambile soqnem. Ariya bunuqna Qotei aqa dal anjam ijoq bonaqa ijo une a tamo ŋambile so qaji bulosiq tigelej.