Luk 15:29 - Yesus Aqa Anjam Bole

²⁹ Onaqa ŋiri koba a na kamba aqa siqali minjej, ‘O Abu, ni que. E wausau gargekoba ino anjam dauryosim ni wauetmoqnem. E ino anjam bei yala gotraŋyosaioqnem. Ni deqa e qa are qalsim e ijo kadoi naŋgi ti koba na areboleboleigwajqa kaja du bei qalsim goiosaieqnum.

Luk 15:29 ပူးပေါင်းရင်းမြစ်များ

Matyu 20:12

‘Tamo naŋgi di bilaq bosib waukiñalayonubqa silali iga egonum qaji dego kere naŋgi enjronum. Iga nobqolo waueqnam seŋ oqsiq gago jejamu tulaŋ kaŋkaŋeqnaqa bilaqtqo. Iga silali koba osai.’

Luk 15:28

Degsi minjnaq qusiqa ŋiriŋosiq qudalej. Osiqa tal miligiq gilqa uratej. Deqa aqa abu a talq dena oqedosiqa minjej, ‘O ijo aŋgro, ni tal miligiq au. Bamqa iga koba na awoosim iŋgi uysim areboleboleigim sqom.’

Luk 15:30

Ariya ino aŋgro yala a na ino ñoro kalil osiqa gam qaji uŋa naŋgi ti sambalaosi laqnsiqa silali kalil uyekritej. Osiq olo bqoqa ni a qa tulaŋ areboleboleimqoqa bulmakau meli bunuj didiqo di agi qaletonum.’

Luk 15:7

Osiqa Yesus na olo minjrej, “Dego kere une tamo qujai a are bulyimqa laŋ goge dia naŋgi a qa tulaŋ areboleboleinjrqas. Bole, tamo tiŋtiŋ 99 naŋgi nami are bulyeb. Deqa naŋgi olo are bulyqajqa wau saiqoji. Naŋgi qa dego laŋ goge dia naŋgi areboleboleinjreqnu. Ariya une tamo qujai a are bulyimqa naŋgi a qa tulaŋ areboleboleinjrqas.”

Luk 17:10

Deqa niŋgi dego Qotei aqa wau tamo sosibqa wau kalil a na niŋgi eŋgoqnqas qaji di yoqniye. Yoqnsib mariye, ‘Iga wau tamo laŋaj. Deqa wau kalil Qotei na egeqnu qaji agi wau yeqnum.’”

Luk 18:9

Tamo qudei naŋgi mareqnub, “Iga tamo bole. Iga tamo qudei naŋgi unub dego sai. Naŋgi tamo uge.” Tamo qudei naŋgi degsib mareqnub. Deqa Yesus na tamo deqaji naŋgi yawo anjam endegsi minjrej,

Luk 19:21

E kumbra degyem. Di kiyaqa? E ni qa ulaem deqa. E qalieem, ni tamo ŋiriŋ ani. Tamo qudei na waueqnab silali branteqnaqa ni segi na eqnum. Tamo qudei na iŋgi yageqnab melieqnaqa ni segi na otorosim uyeqnum. Deqa e ni qa ulaosim ino silali agi gara ñeŋgi na dalaosim atnam soqnej.’

Rom 10:3

Qotei a iga tamo bole une saiqoji qa mergeqnu aqa kumbra di naŋgi qaliesai. Deqa naŋgi naŋgo segi siŋgila na tamo bole une saiqoji sqajqa are qaleqnub. Deqa naŋgi Qotei aqa sorgomq di sosib a segi na naŋgi aqaryainjrimqa naŋgi tamo bole une saiqoji sqajqa olo urateqnub.

Rom 3:20

Deqa tamo bei a dal anjam dauryosim dena a Qotei aqa ŋamgalaq di tamo bole une saiqoji sqajqa tamo dego bei sosai. Dal anjam na iga gago une osorgeqnu. Di segi.

Rom 3:27

Deqa tamo yai na aqa segi ñam soqtqa kere? Tamo dego bei sosai. Iga gago segi ñam soqtqajqa kumbra di torei koboej. Dal anjam dauryqajqa gam dena kumbra di kobotosai. Iga Yesus qa gago areqalo siŋgilatqom gam dena qujai gago segi ñam soqtqajqa kumbra di kobotej.

Rom 7:9

Nami e Qotei aqa dal anjam qalieosaisosimqa bati deqa e ŋambile soqnem. Ariya bunuqna Qotei aqa dal anjam ijoq bonaqa ijo une a tamo ŋambile so qaji bulosiq tigelej.

Uli Anjam 2:17

“‘Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem. Tamo a Satan ombla qotsim siŋgilaqas di e na laŋ qure qa iŋgi uliejunu qaji di anaiyit uyqas. Meniŋ qat dego yqai. Osiy meniŋ quraq di ñam bunuj neŋgreŋyqai. Ñam di tamo bei a qalieqasai. Tamo meniŋ oqas qaji a segi qalieqas.’ O Jon, ni anjam degsi neŋgreŋyosim Pergamum naŋgo laŋ aŋgro aqaq qariŋye.”

Uli Anjam 3:17

Ni ino segi ñam soqtoqnsim mareqnum, “E silali koba ti. E ñoro koba ejunum. E iŋgi bei qa truquosai.” Ni degsi maraim. Di ni gisaŋonum. Ni laŋ qure qa iŋgi iŋgi tulaŋ saiqoji. Ni tulaŋ sougetejunum. Ni ŋam qandimo unum. Ni yosi laqnum. Di ni segi poimosai.