Luk 15:27 - Yesus Aqa Anjam Bole

²⁷ Degsi nenemyonaqa wau tamo dena minjej, ‘Ino was yala a olo bqo. Deqa ino abu na bulmakau meli bunuj didiqo di qalqo naŋgi uyoqnsib areboleboleinjreqnaq lou tueqnub. Aqa aŋgro moiobulosiq olo ŋambile sosiq brantqo deqa lou tueqnub.’

Luk 15:27 ပူးပေါင်းရင်းမြစ်များ

Matyu 22:4

Onaqa a di qusiqa aqa kaŋgal tamo qudei naŋgi olo qariŋnjrsiqa minjrej, ‘Niŋgi gilsib tamo naŋgi di endegsib minjriye, “Niŋgi quiye. Iŋgi iŋgi kalil gereiysim atonum unu. Bulmakau ti wagme namur bole bole ñumsimqa goinum. Deqa niŋgi asgiŋgaiq. Niŋgi bosib ijo maruro uniye.” Niŋgi gilsib naŋgi degsib minjriye.’

Luk 15:28

Degsi minjnaq qusiqa ŋiriŋosiq qudalej. Osiqa tal miligiq gilqa uratej. Deqa aqa abu a talq dena oqedosiqa minjej, ‘O ijo aŋgro, ni tal miligiq au. Bamqa iga koba na awoosim iŋgi uysim areboleboleigim sqom.’

Luk 15:30

Ariya ino aŋgro yala a na ino ñoro kalil osiqa gam qaji uŋa naŋgi ti sambalaosi laqnsiqa silali kalil uyekritej. Osiq olo bqoqa ni a qa tulaŋ areboleboleimqoqa bulmakau meli bunuj didiqo di agi qaletonum.’

Aposel 22:13

Ariya e Damaskus qureq aisim di sonamqa Ananaias na e itbosiqa ijo areq di tigelosiq merbej, ‘O ijo was Sol, ino ŋamdamu olo poimeme.’ Degsi merbonaqa bati qujai deqa ijo ŋamdamu poibonaqa e olo ŋam atsim Ananaias aqa ulatamu unem.

Aposel 9:17

Onaqa Ananaias na minjej, “Od, Tamo Koba, e ino anjam dauryqai.” Osiqa tigelosiq gilsiq Sol soqnej qaji tal di gogetosiqa Sol aqaq di baŋ atsiqa minjej, “O ijo was Sol, Tamo Koba Yesus agi gamq dia inoq di brantonaq unem qaji a na e endegsi merbej, ‘Ni gilsim Sol boletimqa aqa ŋamdamu olo poiyqas. Yimqa Qotei aqa Mondor Sol aqa are miligiq aisim a siŋgilatqas.’ Yesus na e degsi merbsiqa qariŋbqoqa agi e inoq bonum.”

Filemon 1:16

Onesimus a kaŋgal tamo laŋaj ni degsi are qalaim. Bole, a ino kaŋgal tamo. Ariya bini a ino Kristen was dego. Deqa ni a tulaŋ qalaqalaiyoqne. E a unonum, a ijo Kristen was bole. Deqa e a tulaŋ qalaqalai-yeqnum. Ariya e qalieonum, ni a olo tulaŋ qalaqalaiyoqnqam. Kristus na aqa are bulyetej deqa a ino kaŋgal tamo boledamu sqas. Soqnim ni a unsim marqam, “Bole, a ijo Kristen was bole.” Osim ni a tulaŋ qalaqalaiyoqnqam.