Luk 14:15 - Yesus Aqa Anjam Bole

¹⁵ Yesus a anjam degsi marnaqa tamo bei Yesus ombla awoosib iŋgi uyoqneb qaji a anjam di qusiqa minjej, “Mondoŋ Qotei na aqa segi tamo uŋgasari naŋgi taqatnjrsim naŋgo Mandor Koba sosimqa a na naŋgi iŋgi anainjrim awoosib koba na iŋgi uyqab. Deqa naŋgi tulaŋ areboleboleinjrim sqab.”

Luk 14:15 ပူးပေါင်းရင်းမြစ်များ

Matyu 25:10

Onaqa duŋgeŋge nanari 5-pela naŋgi tigelosib lam ya awaiyqajqa sumeqnabqa tamo di a uŋa baŋ ojqa sawaq giloqnej. Gileqnaqa duŋgeŋge powo ti naŋgi nami naŋgo lam gereiysib soqneb deqa naŋgi na tamo di dauryosib uŋa baŋ ojqa sawaq gileb. Gilsib tal miligiq gilekritsib siraŋ kabuteb.

Matyu 8:11

“Deqa e niŋgi endegsi merŋgwai. Sawa bei bei qaji tamo uŋgasari tulaŋ gargekoba naŋgi sawa guta na guma na ti bosib koroeleŋosib Abraham, Aisak, Jekop naŋgi koba na awoosib iŋgi uyqab. Yimqa Qotei laŋ qureq di unu qaji a naŋgo Mandor Koba sosim naŋgi taqatnjrqas.

Luk 12:37

Tal lanja aqa wau tamo naŋgi a qa tariŋosib ŋam atoqnibqa bosim degsi unjrimqa naŋgi tulaŋ areboleboleinjrqas. Deqa a na naŋgi minjrim awoeleŋabqa iŋgi anainjroqnqas.

Luk 13:29

Tamo uŋgasari gargekoba naŋgi sawa guta na guma na tauŋ na bebeŋ na ti bosib Qotei aqa qureq di koroeleŋabqa Qotei a naŋgo Mandor Koba sosim naŋgi taqatnjrqas. Yimqa naŋgi Qotei ombla awoosib iŋgi uyqab.

Luk 22:16

E niŋgi merŋgwai. E iŋgi endi olo uyqasai. Degsi gilsiy gilsiy mondoŋ Qotei a nuŋgo Mandor Koba soqnimqa iŋgi endi aqa utru e na geregere babtosiy olo uyqai.”

Luk 22:30

Yimqa niŋgi e koba na awoeleŋosib iŋgi ti ya ti uyoqnqab. Osib niŋgi awo jaram kokbaq dia awoosib Israel naŋgo moma 12-pela naŋgo leŋ kalil naŋgi taqatnjroqnqab.”

Uli Anjam 19:9

Onaqa laŋ aŋgro dena olo merbej, “Ni anjam endegsim neŋgreŋye, ‘Kaja Du aqa uŋa baŋ ojqa batiqo deqa aqa Abu Qotei na iŋgi koba goiqo. Goisiq aqa segi tamo uŋgasari naŋgi metnjrqo-qa iŋgi uyqa bonub. Bonub qaji naŋgi tulaŋ areboleboleinjrqas.’” Osiqa merbej, “Anjam endi Qotei aqa anjam bole.”