Luk 13:3 - Yesus Aqa Anjam Bole

³ Niŋgi degsib are qalaib. E niŋgi merŋgwai. Niŋgi are bulyqasai di niŋgi kalil dego padalqab.

Luk 13:3 ပူးပေါင်းရင်းမြစ်များ

Matyu 22:7

Onaqa mandor koba a di qusiqa minjiŋ oqetonaqa aqa qaja tamo qudei naŋgi qariŋnjrnaqa gilsib tamo naŋgi kaŋgal tamo ñumeb qaji naŋgi kamba ñumekriteb. Osib naŋgo tal iŋgi iŋgi kalil qatrentonab yuekriteb.

Matyu 3:2

A naŋgi endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye.”

Luk 13:2

Onaqa Yesus na minjrej, “Niŋgi kiersib are qalonub? Galili tamo naŋgi di Qotei aqa ŋamdamuq di une kokba ti soqneb deqa kio degsib ñumeleŋeb? Ariya Galili tamo qudei naŋgi Qotei aqa ŋamdamuq di une kiñilala ti unub deqa naŋgi ñumeleŋosai. Niŋgi degsib are qalonub kio?

Luk 13:4

Jerusalem dia tal olekoba aqa ñam Siloam di puosiqa tamo 18-pela naŋgi ñumnaq moreŋeb. Deqa niŋgi kiersib are qalonub? Tamo 18-pela moreŋeb qaji naŋgi Qotei aqa ŋamdamuq di une kokba ti soqneb deqa kio naŋgi degsib moreŋeb? Ariya tamo uŋgasari kalil Jerusalem di unub qaji naŋgi une kiñilala ti unub deqa naŋgi moreŋosai. Niŋgi degsib are qalonub kio?

Luk 13:5

Niŋgi degsib are qalaib. E niŋgi merŋgwai. Niŋgi are bulyqasai di niŋgi kalil dego padalqab.”

Luk 24:47

Deqa niŋgi gilsib e qa mare mare laqnsibqa sawa sawa kalilq dia tamo uŋgasari naŋgi anjam endegsib minjroqniye, ‘Niŋgi are bulyiye. Yibqa Qotei a Yesus aqa ñam na nuŋgo une kalil kobotetŋgwas.’ Niŋgi tamo uŋgasari naŋgi anjam degsib minjroqnsib kumbra kalil e nami nuŋgo ŋamdamuq di yoqnem qaji deqa naŋgi sainjroqniye. Niŋgi Jerusalem dia wau utru atsib dena walwelosib sawa sawa kalilq dia ijo anjam minjre minjre laqniye.

Aposel 3:19

“Deqa niŋgi quiye. Niŋgi na nuŋgo une kalil torei uratosib are bulyosib Qotei aqaq babqa a na nuŋgo une kalil kobotetŋgimqa niŋgi aqa aŋgro bole sqab.