Luk 13:26 - Yesus Aqa Anjam Bole

²⁶ Degsi merŋgimqa niŋgi na minjqab, ‘O Tamo Koba, iga ni ombla iŋgi ti ya ti uyoqnem. Ni gago qureq dia Qotei aqa anjam plaltosim mergoqnem.’

Luk 13:26 ပူးပေါင်းရင်းမြစ်များ

Luk 13:27

Degsi minjibqa a na kamba merŋgwas, ‘Niŋgi tal qabe? E niŋgi qaliesai. Deqa niŋgi kalil jaraiiye. Niŋgi kumbra uge yo qaji tamo.’

Luk 3:8

Niŋgi are bulyiye. Osib nuŋgo kumbra uge kalil uratosib kumbra bole bole yoqniye. Yimqa e unsiy marqai, ‘Bole, niŋgi are bulyonub.’ Osiy niŋgi yansŋgwai. Niŋgi endegsib are qalaib, ‘Iga Abraham aqa leŋ. Deqa iga Qotei aqa ŋamgalaq di tamo bole.’ Niŋgi degsib are qalaib. Niŋgi quiye. Niŋgi Abraham aqa leŋ di laŋa. Qotei na marimqa meniŋ kalil endi dego tamo bulyosib tigelosib Abraham aqa leŋ sqab.

2 Timoti 3:5

Naŋgi laŋa babaŋ na Qotei aqa kumbra dauryobulosib sqab. Qotei aqa kumbra bole di siŋgila ti unu. Ariya siŋgila di naŋgi poinjrqasai. O Timoti, ni na tamo naŋgi deqaji beternjraim. Torei uratnjrsim isaq gile.

Taitus 1:16

Naŋgi segi mareqnub, “Iga Qotei qa qalie bole.” Di gisaŋ. Naŋgi kumbra uge uge yeqnub dena iga poigeqnu, naŋgi Qotei qoreiyeqnub. Deqa Qotei a na naŋgi uratnjreqnu. Naŋgi Qotei aqa anjam gotraŋyeqnub qaji tamo. Naŋgi kumbra bole bei dauryqa keresai.