Luk 13:23 - Yesus Aqa Anjam Bole

²³ Aieqnaqa tamo bei na minjej, “O Tamo Koba, tamo quja quja segi Qotei na eleŋamqa naŋgi ŋambile gaigai sqab e? Ni iga geregere merge.” Onaqa Yesus na kamba minjrej,

Luk 13:23 ပူးပေါင်းရင်းမြစ်များ

Matyu 19:25

Onaqa Yesus aqa aŋgro naŋgi aqa anjam di qusibqa naŋgi tulaŋ prugeleŋosib minjeb, “Ni anjam degsi mergonum deqa tamo yai naŋgi ŋambile gaigai sqa kere?”

Matyu 20:16

Yesus a yawo anjam degsi marsiqa olo marej, “Dego kere tamo bini ñam koba ti unub qaji naŋgi mondoŋ ñam saiqoji sqab. Ariya tamo bini ñam saiqoji unub qaji naŋgi mondoŋ ñam koba ti tigelqab.”

Matyu 22:14

“Niŋgi quiye. Qotei a na tamo tulaŋ gargekoba naŋgi metnjroqnsiqa ariya a na tamo quja quja segi giltnjroqnsiqa eleŋeqnu.”

Matyu 7:14

Niŋgi siraŋme kiñalaq dena miligiq gilqab di niŋgi gam kiñala dauryosib ŋambile gaigai sqajqa sawaq di brantqab. Tamo quja quja segi gam di itosib dauryeqnub.”

Luk 13:22

Yesus a yawo anjam degsi marsiq koboonaqa tigelosiqa Jerusalem aiqajqa gam dauryosiq aioqnsiqa qure kokba ti qure kiñilala ti dia Qotei aqa anjam minjre minjre aioqnej.

Luk 13:24

“Niŋgi siraŋme kiñalaq dena miligiq gilqajqa wauoiye. Niŋgi quiye. Tamo gargekoba naŋgi miligiq gilqajqa wauoqnib ugeinjroqnqas.