Luk 13:19 - Yesus Aqa Anjam Bole

¹⁹ Deqa e anjam endegsi merŋgwai. Qotei aqa kumbra di tamo bei na sis yago osiq aqa wauq di yagej dego kere. Bunuqna sis a oqsiq tulaŋ kobaqujaej. Onaqa qebari naŋgi bosib aqa daniq dia simi ateleŋeb.”

Luk 13:19 ပူးပေါင်းရင်းမြစ်များ

Matyu 17:20

Onaqa Yesus na minjrej, “Niŋgi e qa nuŋgo areqalo siŋgilatqa yonub niŋgi tulaŋ truquonub. Deqa niŋgi mondor uge di wiyqa yonub keresaiiŋgwo. Niŋgi quiye. E bole merŋgwai. Nuŋgo areqalo e qa siŋgilatonub qaji di sis yago bul kiñala sqas di kereqas. Degesqas di niŋgi mana kobaquja endi minjibqa a nuŋgo anjam dauryosim tigelosim sawa beiq gilqas. Nuŋgo areqalo e qa siŋgilatonub qaji degesqas di niŋgi kumbra kalil yqa kereiŋgwas.

Mak 4:30

Yesus a na naŋgi yawo anjam degsi minjrsiq koboonaqa olo endegsi minjrej, “Qotei a tamo uŋgasari naŋgo Mandor koba sosiq naŋgi taqatnjreqnu kumbra di aqa utru niŋgi geregere poiŋgwajqa deqa yawo anjam bei endegsi merŋgwai.

Luk 17:6

Onaqa Tamo Koba Yesus na kamba minjrej, “Nuŋgo areqalo e qa siŋgilato qaji di sis yago bul kiñala sqas di kereqas. Degesqas di niŋgi subar endi minjibqa a nuŋgo anjam dauryosim jirim qoji waqosim aisim yuwalq di tigelqas.”

Aposel 2:41

Onaqa tamo uŋgasari kalil Pita aqa anjam di qusib naŋgo are miligiq di ateb qaji naŋgi yansnjreb. Bati deqa tamo uŋgasari 3,000 naŋgi Yesus qa naŋgo areqalo siŋgilatosib tamo uŋgasari nami Yesus qa naŋgo areqalo siŋgilateb qaji naŋgo miligiq aisib koba na soqneb.

Aposel 21:20

Onaqa naŋgi Pol aqa anjam di qusibqa naŋgi tulaŋ areboleboleinjrnaqa Qotei aqa ñam soqteb. Osib Pol minjeb, “O gago was Pol, ni qalie, Juda tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilateqnub. Naŋgi Moses aqa dal anjam dauryqajqa dego tulaŋ siŋgilaeqnub.

Aposel 4:4

Tamo uŋgasari tulaŋ gargekoba naŋgo aiyel anjam qusib Yesus qa naŋgo areqalo siŋgilateb. Tamo uŋgasari Yesus qa naŋgo areqalo siŋgilateb qaji kalil turteb 5,000.

Uli Anjam 11:15

Ariya laŋ aŋgro namba 7 na aqa gul anjamonaqa tamo uŋgasari kalil laŋ qureq di unub qaji naŋgi tulaŋ koba leleŋosib endegsib marnab quem, “Gago Tamo Koba Qotei naŋgi aqa Ŋiri Kristus wo Mandor Kokba sqajqa bati agi brantqo. Deqa naŋgi aiyel bati gaigai Mandor Kokba sosib sawa sawa kalil taqatnjroqnqab.”