Luk 12:58 - Yesus Aqa Anjam Bole

⁵⁸ Tamo bei a ni qa anjam bei soqnimqa niŋgi ombla walwelosib anjam gereiyo talq giloqnsibqa gamq dia niŋgi segi aiyel na anjam urur gereiyoqujatiye. Ysib anjam moiotsib a ni osim anjam gereiyo talq gilqasai. Ariya niŋgi gamq di anjam gereiyqasai di a na ni osi gilsimqa anjam pegiyo tamo aqa ulatamuq dia tigeltmimqa anjam pegiyo tamo a na ni osim qaja tamo naŋgo baŋq di atqas. Yimqa naŋgi na ni osib tonto talq waimqab.

Luk 12:58 ပူးပေါင်းရင်းမြစ်များ

Matyu 18:30

Degsi minjnaqa a aqa anjam di quetqa uratosiqa a osi gilsiqa tonto talq waiyosiq minjej, ‘Ni tonto talq di soqne. Bunuqna ni silali 10 kina nami yaibem qaji di kamba ebekritimqa di e ni olo uratmit oqedqam.’

2 Korin 6:2

Agi Qotei aqa anjam bei nami endegsib neŋgreŋyeb unu, “E ni osiy boletmqajqa bati atem. Ariya bati di brantonaqa e ino pail qusim agi ni aqaryaimem.” O was qu, niŋgi quiye. Qotei na iga boletgwajqa bati agi bini brantqo. A na iga oqajqa bati agi bini qujai.

1 Pita 3:19

A mondor ti sosiqa a moio sawaq aisiq tamo nami moreŋeb qaji naŋgo mondor Qotei aqa anjam palontosiq minjroqnej.

2 Pita 1:15

Deqa e siŋgila na anjam di niŋgi geregere merŋgoqnqai. Yim bunuqna e moiitqa niŋgi ijo anjam deqa gaigai are qaloqnsib sqab.

Jut 1:3

O ijo was bole, Qotei na iga kalil padalo sawaq dena eleŋej wau di aqa utru e na neŋgreŋyosiy niŋgi qa qariŋyqajqa are koba unu. Ariya e anjam bei dego neŋgreŋyosiy niŋgi qa qariŋyqa are qaleqnum. Anjam agiende. Jeu tamo naŋgi bosib Kristus aqa anjam bole ugeugeiyqa laqnib nuŋgo areqalo Kristus qa siŋgilateqnub qaji di niŋgi olo siŋgila na ojsibqa jeu tamo naŋgi di gotraŋnjroqniye. Iga Qotei aqa tamo uŋgasari unum deqa Qotei na gago areqalo tigeltetgonaqa iga Kristus aqa anjam bole gago areqaloq di siŋgilatejunum. Deqa tamo bei na anjam di olo bulyqa keresai.

Uli Anjam 20:7

Wausau 1,000 di koboamqa sub guma koba aqa me olo waqtibqa Satan a subq dena oqedqas.