Luk 12:48 - Yesus Aqa Anjam Bole

⁴⁸ Ariya tal lanja na aqa wau tamo bei minjqas, ‘Ni wau di ye.’ Yimqa a geregere quosai deqa a wau di yosaiamqa tal lanja na a jiŋga na kumbaiŋyoqujaitqas. Deqa niŋgi quiye. Qotei a tamo bei powo koba yqas di a na minjqas, ‘Ni powo koba ti unum deqa ni na ijo wau geregere yoqne.’ Od, Qotei a tamo bei aqa baŋq di wau koba atqas di a na minjqas, ‘E wau koba ino baŋq di atonum deqa ni wau di geregere taqatosim yoqne.’”

Luk 12:48 ပူးပေါင်းရင်းမြစ်များ

Matyu 13:12

Tamo a powo ti sqas di Qotei na powo olo yimqa a powo koba oqas. Ariya tamo a powo ti sqasai di powo kiñala aqaq di unu qaji di Qotei na olo yaiyimqa a laŋa sqas.

Matyu 23:14

O dal anjam qalie tamo ti Farisi ti niŋgi ŋam atiye. Niŋgi anjam maro aiyelteqnub qaji tamo. Deqa niŋgi uŋa qobul naŋgi gisaŋnjroqnsibqa naŋgo tal ti iŋgi iŋgi ti laŋa yainjreqnub. Niŋgi qure ambleq dia tigeloqnsibqa pail olekokba yeqnub. Di gisaŋ koba. Deqa mondoŋ une pegiyo bati qa Qotei a na niŋgi gulube tulaŋ kobaquja eŋgwas.

Luk 12:41

Onaqa Pita na Yesus minjej, “O Tamo Koba, ni yawo anjam maronum di iga ino aŋgro 12-pela iga segi quqwajqa kio tamo kalil naŋgi dego quqwajqa kio?”

Luk 12:49

Yesus a na aqa aŋgro naŋgi anjam degsi minjrsiqa olo minjrej, “E ŋamyuo waiyit mandamq aiqajqa e deqa bem. E endegsi Qotei pailyeqnum, ‘O Abu, ŋamyuo di urur puloŋeme.’

Luk 16:2

Degsi minjnabqa a na ñoro taqato tamo di metonaq aqa areq bonaqa minjej, ‘Ni qa anjam degsi merbonubqa e quonum. Ni kiyaqa kumbra degyonum? Deqa ni ijo ñoro kalil uyonum qaji di sisiyosim merbimqa e geregere qalieosiy ni kobotmqai. Yim ni ijo ñoro olo taqatoqnqasai.’

Jon 15:22

“E bosim jeu tamo naŋgi di anjam minjrosai qamu naŋgi une saiqoji qamu. Ariya bini naŋgi naŋgo une di ulitqa gam saiqoji.

Aposel 17:30

“Nami tamo naŋgi nanari soqneb. Naŋgi Qotei qaliesai. Deqa naŋgi qotei gisa gisaŋ naŋgo sulum gereinjroqnsib biŋinjroqneb. Bati di Qotei a naŋgo kumbra di unsiqa unosaibulosiqa naŋgi kambatnjrosaioqnej. Ariya bini Qotei na tamo uŋgasari kalil sawa sawa kalilq di unub qaji naŋgi endegsi minjreqnu, ‘Niŋgi are bulyosib kumbra uge uge di uratiye.’

1 Timoti 1:11

Qotei aqa anjam di gisaŋ sai. Di Yesus aqa anjam bole Qotei na e marsiy laqajqa ebej qaji. Anjam bole di aqa utru agiende. Qotei a riaŋ koba ti siŋgila koba ti unu. Anjam di tulaŋ boledamu. Anjam di iga areboleboleigwajqa utru.

1 Timoti 1:13

Bole, nami e Yesus aqa ñam misiliŋyoqnsim a jeutoqnsim a qa anjam uge maroqnem. Ariya e qalie, e nanari tamo sosim a qa ijo areqalo siŋgilatosaioqnem deqa e kumbra di yoqnem. Deqa bati di a e qa olo dulej.

1 Timoti 6:20

O Timoti, Qotei na ni wau emej deqa ni wau di geregere taqatesoqne. Tamo qudei Qotei aqa areqalo dauryosai qaji naŋgi anjam uge uge mareleŋeqnub. Deqa ni naŋgo anjam di qoreiyosim naŋgi uratnjrsim isaq gile. Tamo naŋgi di mareqnub, “Iga powo bole ti unum.” Di gisaŋ. Naŋgi Qotei jeutoqnsib aqa areqalo dauryqa uratoqnsib anjam uge uge mareleŋeqnub.

Taitus 1:3

Ariya bati a nami atej qaji di brantonaqa a na tamo qudei naŋgi wau enjrsiqa minjrej, “Niŋgi ijo anjam marsib laqniye.” Kumbra dena Qotei na aqa segi anjam boleq atej. Qotei agi iga eleŋej qaji a na e dego merbonaqa e aqa wau di ojsim aqa anjam marsim laqnum.

Jems 3:1

O ijo was qu, nuŋgo ambleq di tamo gargekoba naŋgi Qotei aqa anjam plaltqa wau ojaib. Di kiyaqa? Mondoŋ tamo peginjrqa batiamqa Qotei na iga anjam plalto tamo gago wau di geregere tenemtosim iga pegigwas.