Luk 12:45 - Yesus Aqa Anjam Bole

⁴⁵ Ariya wau tamo di a tamo uge qamu a endegsi are qalqas, ‘Ijo tamo koba a urur bqasai.’ Degsi are qalsimqa wau tamo ti uŋgasari ti naŋgi laŋa laŋa kumbaiŋnjroqnqas. Osim laŋa iŋgi koba uyoqnsim sqas. Wain koba dego uyoqnsim nanarioqnqas.

Luk 12:45 ပူးပေါင်းရင်းမြစ်များ

Matyu 22:6

Onaqa naŋgi qudei na kaŋgal tamo naŋgi di ojeleŋosib ugeugeinjreb. Osib kaŋgal tamo qudei naŋgi ñumnab moreŋeb.

Luk 12:44

Deqa niŋgi quiye. E bole merŋgwai. Wau tamo di a wau bole yej deqa tal lanja na aqa iŋgi iŋgi kalil osim aqa baŋq di atim a na taqatetoqnqas.

Luk 12:46

Aqa tamo koba bqajqa bati a qaliesai. Deqa a kumbra degsim soqnimqa aqa tamo koba brantoqujatosim unimqa a tulaŋ prugugetqas. Deqa aqa tamo koba a na wau tamo di ugeugeiyosim qalsim tamo naŋgi Qotei qa naŋgo areqalo siŋgilatosaieqnub qaji naŋgo so sawaq waiyim aiqas.

Luk 21:34

Osiqa Yesus a olo anjam endegsi minjrej, “Niŋgi geregere ŋam atsib soqniye. Niŋgi ya uge uyoqnsib nanarioqnqajqa are prugŋgoqnaiq. Nuŋgo segi jejamu qa iŋgi iŋgi qa areqalo kobaiyoqnaib. Niŋgi kumbra uge kalil deqaji yoqnibqa e urur mandamq aisiy niŋgi pruqtŋgo uge.

Jon 2:10

“Bati gaigai tamo naŋgi iŋgi goioqnsib wain qaqatiŋ bole namo tamo naŋgi anainjreqnab uyeqnab olo bunu wain qaqatiŋ bolesai di anainjreqnub. Ariya ni degosai. Ni wain qaqatiŋ bole tentosim namo wain qaqatiŋ bolesai anainjronum uyonub olo bunu wain qaqatiŋ bole anainjronum.”

Aposel 2:18

Bati deqa e na ijo Mondor qariŋyitqa ijo wau tamo ti ijo wau uŋa ti naŋgoq aisim siŋgila enjroqnimqa naŋgi ijo medabu osib ijo anjam maroqnqab.

Rom 16:18

Tamo deqaji naŋgi gago Tamo Koba Kristus aqa wau ojosaieqnub. Naŋgi naŋgo segi jejamu qa are qaloqnsib deqa waueqnub. Osib tamo uŋgasari naŋgi walawalainjroqnsib gisa gisaŋnjroqnsibqa naŋgi nanaritnjreqnub. Deqa kumbra bole ti kumbra uge ti di naŋgi geregere poinjrosaieqnu.

2 Korin 11:20

Nuŋgo kumbra agiende. Tamo bei na niŋgi ojsim wau koba eŋgimqa kio nuŋgo iŋgi iŋgi saitimqa kio nuŋgo iŋgi iŋgi gisaŋ na yaiŋgimqa kio aqa segi ñam soqtimqa kio nuŋgo ula poŋyimqa kio niŋgi a odyibqa aqa segi areqalo dauryoqnsim degyoqnqas.

1 Tesalonaika 5:7

Iga qalie, tamo naŋgi ŋereŋeqnub qaji naŋgi qolo ŋereŋeqnub. Tamo naŋgi ya uysib nanarieqnub qaji naŋgi qolo ya uyeqnub.

2 Pita 2:13

Tamo naŋgi di kumbra uge uge yeqnub deqa bunuqna tamo qudei naŋgi na kamba naŋgi kumbra uge enjrqab. Naŋgo kumbra agiende. Naŋgi qanam jige alaŋkobaiyoqnsibqa ya uge uyoqnsib nanarioqnqajqa deqa tulaŋ areboleboleinjreqnu. Naŋgi nuŋgo ambleq di sosib niŋgi koba na iŋgi uyoqnsib nuŋgo ñam uge-teqnub. Dena niŋgi tulaŋ jigateqnub. Ariya naŋgo gisaŋ kumbra di naŋgi yqajqa tulaŋ areboleboleinjreqnu.

2 Pita 2:19

Tamo uge naŋgi dena tamo uŋgasari naŋgi walawala anjam endegsib minjreqnub, “Niŋgi iga daurgwab di une bei na niŋgi ojqa keresai. Deqa niŋgi nuŋgo segi areqalo na kumbra bei yqa marsib yoqniye.” Di gisaŋ. Naŋgo segi kumbra uge na naŋgi siŋgila na ojsiq naŋgi taqatnjreqnu. Niŋgi qalie, tamo bei aqa kumbra uge na a taqatesqas di a kumbra di aqa wau tamo sqas.

Uli Anjam 16:6

Tamo naŋgi dena ino medabu o qaji tamo naŋgi ti ino segi tamo uŋgasari naŋgi ti moiotnjreqnab naŋgo leŋ aioqnej. Deqa ni na kamba leŋ anainjronum naŋgi uynub. Keretsim anainjronum.”

Uli Anjam 18:24

Babilon qure a na Qotei aqa medabu o qaji tamo naŋgi ti Qotei aqa segi tamo uŋgasari naŋgi ti ñumeqnaq moreŋoqneb. Aqa une di aqa jejamuq di sonaqa Qotei a unqo. Tamo kalil jeu tamo naŋgi na mandamq endia ñumeqnab moreŋoqneb qaji naŋgo leŋ ainaq Qotei a di unsiqa agi Babilon aqa jejamuq di atqo.