Luk 12:35 - Yesus Aqa Anjam Bole

³⁵ Osiqa Yesus a olo anjam endegsi minjrej, “Niŋgi nuŋgo gara tigeleŋosib nuŋgo iŋgi iŋgi kalil gereiysib lam qatrentosib ijo bqajqa bati qa tariŋosib soqniye.

Luk 12:35 ပူးပေါင်းရင်းမြစ်များ

Matyu 25:1

Osiqa Yesus a olo anjam endegsi minjrej, “Qotei a tamo uŋgasari naŋgo Mandor Koba sosiq naŋgi taqatnjreqnu kumbra di duŋgeŋge 10-pela naŋgo anjam sa dego bul. E deqa niŋgi saiŋgwai. Tamo bei a uŋa baŋ ojej. A uŋa baŋ ojqa sawaq gilqa laqnaqa duŋgeŋge 10-pela naŋgi di a ombla gilqa marsib naŋgo segi segi lam osib walwelosi aisib gamq dia a qa tariŋoqneb.

Matyu 5:16

Dego kere niŋgi puloŋ bul sosibqa boleq di kumbra bole bole yoqnibqa tamo uŋgasari naŋgi na nuŋgo kumbra di unoqnsib nuŋgo Abu laŋ qureq di unu qaji aqa ñam soqtoqnqab.”

Luk 12:36

Tamo bei a uŋa baŋ ojqa batiamqa naŋgi a qa goiokobayibqa di uyqajqa gilqas. Gilsim iŋgi uysim olo puluosim aqa talq bosimqa siraŋme kindokindoŋamqa aqa wau tamo naŋgi a qa tariŋejunub deqa siraŋme waqtoqujatqab. Dego kere niŋgi ijo bqajqa bati qa tariŋosib soqniye.

Efesus 6:14

Deqa niŋgi siŋgila na tigelesqa marsibqa anjam bole alalag bul di tigsib tigeloiye. Osib kumbra tiŋtiŋ di gara jugo bul jigsib dena nuŋgo are targa kabutiye.

Filipai 2:15

Niŋgi kumbra degyqab di niŋgi Qotei aqa aŋgro boledamu une saiqoji sqab. Sosib niŋgi ŋambile gaigai sqajqa anjam ojesosib mandam qa tamo uŋgasari naŋgo ambleq di laqnsib suwaŋ qa kumbra naŋgi osornjroqnqab. Tamo uŋgasari naŋgi di kumbra bole dauryqa uratoqnsib olo kumbra uge uge yeqnub. Deqa mondoŋ Kristus a olo bosim naŋgo une deqa naŋgi peginjrqas. Yim bati deqa e nuŋgo kumbra bole qa tulaŋ areboleboleibim e qalieqai, ijo wau kalil e nuŋgo ambleq di yoqnem qaji di e laŋa yosaioqnem.

1 Pita 1:13

Deqa niŋgi gaigai ijo anjam di dauryqajqa are qaloqnsib nuŋgo walwel geregere taqatosib soqniye. Sosib Yesus Kristus qa nuŋgo areqalo siŋgilatoqnsibqa mondoŋ a olo laŋ qureq dena brantosim kumbra tulaŋ boledamu niŋgi eŋgwajqa deqa tariŋoqnsib soqniye.