Luk 12:33 - Yesus Aqa Anjam Bole

³³ Deqa niŋgi kumbra endegyiye. Niŋgi nuŋgo ñoro kalil qariŋyosib silali osib tamo iŋgi iŋgi saiqoji unub qaji naŋgi di jeisi enjriye. Osib silali jugwajqa quŋ ugeosaieqnu qaji di gereiyiye. Osib laŋ qure qa iŋgi iŋgi eleŋosib di jigeleŋoiye. Iŋgi iŋgi di koboqa keresai. Bajiŋ tamo naŋgi bosib oqasai. Sisimbiŋ na ugetqasai. Iŋgi iŋgi di gaigai sqas.

Luk 12:33 ပူးပေါင်းရင်းမြစ်များ

Matyu 19:21

Onaqa Yesus na kamba minjej, “Ni Qotei aqa kumbra keretqa osimqa endegye. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Osim bunuqna ni laŋ qureq dia awai bole itqam.”

Luk 11:41

Deqa iŋgi iŋgi kalil nuŋgo are miligiq di unu qaji di niŋgi eleŋosib tamo iŋgi iŋgi saiqoji unub qaji naŋgi enjroqniye. Niŋgi kumbra degyibqa nuŋgo iŋgi iŋgi kalil milalesqas.

Luk 12:21

Dego kere tamo naŋgi ñoro koba koroiyonub qaji naŋgo ñoro qoji padalqab. Naŋgi laŋ qure qa ñoro saiqoji. Deqa Qotei na naŋgi ñumim moreŋqab.”

Luk 16:9

“Deqa e niŋgi endegsi merŋgwai. Niŋgi mandam qa ñoro na tamo uŋgasari naŋgi aqaryainjroqnibqa naŋgi na niŋgi kadoiŋgwab. Osib bunuqna mandam qa ñoro kalil koboamqa naŋgi na niŋgi joqsib tal gaigai sqas qaji dia niŋgi geregereiŋgoqnqab.

Luk 18:22

Degsi minjnaqa qusiqa kamba minjej, “Ni dal anjam kalil dauryosim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Osim bunuqna ni laŋ qureq dia awai bole itqam.”

Jon 12:6

Judas a tamo iŋgi iŋgi saiqoji unub qaji naŋgi qa are qalsiq anjam di marosai. A bajiŋ tamo. A Yesus aqa aŋgro naŋgo silali jugwajqa quŋ taqatoqnej. Deqa naŋgi quŋ miligiq di silali ateqnab a na olo bajiŋoqnej. A deqa are qalsiq marej.

Aposel 2:45

Naŋgo mandam ti naŋgo iŋgi iŋgi ti qariŋyeleŋeqnab tamo qudei naŋgi na awaiyoqnsib silali enjreqnab oqnsib Yesus aqa tamo uŋgasari iŋgi iŋgi saiqoji soqneb qaji naŋgi jeisib enjroqneb.

2 Korin 8:2

Masedonia Kristen naŋgi gulube koba esoqneb dena naŋgi are tulaŋ gulubeinjrej. Bati deqa naŋgi iŋgi iŋgi tulaŋ saiqoji soqneb. Ariya Qotei na naŋgi siŋgilatnjrej deqa naŋgi olo areboleboleinjrnaqa Kristen tamo qudei naŋgi silali qa aqaryainjrqa marsib silali koba koroiyeb unu.