Luk 12:32 - Yesus Aqa Anjam Bole32 Osiqa Yesus a olo anjam endegsi minjrej, “O ijo kaja du du niŋgi ulaaib. Nuŋgo Abu a nami niŋgi qa osiqa endegsi merŋgej, ‘E nuŋgo Mandor Koba sosiy niŋgi taqatŋgwai.’ Qotei a nami degsi merŋgej. အခန်းကိုကြည့်ပါ။ |
Luk 12:32
30 ပူးပေါင်းရင်းမြစ်များ
Osiqa Yesus a olo anjam endegsi minjrej, “Niŋgi geregere ŋam atsib soqniye. Tamo qudei naŋgi na bosib gisaŋosib merŋgwab, ‘Iga Qotei aqa medabu o qaji tamo bole.’ Di gisaŋ koba. Tamo naŋgi di kaja bul lawo na nuŋgoq boqnsib walawalaiŋgoqnsib anjam merŋgeqnub. Ariya naŋgo are miligiq di naŋgi tamo uge bauŋ juwaŋ bul. Deqa naŋgi na niŋgi ugeugeiŋgwajqa laqnub. Bauŋ juwaŋ naŋgi na kaja naŋgi ñumoqnsib uyeqnub dego kere.
Bati deqa Qotei aqa Mondor a Yesus aqaq aisiq aqa areqalo siŋgilatetonaqa a tulaŋ areboleboleiyonaqa Qotei endegsi pailyej, “O Abu, ni segi laŋ qa ti mandam qa ti Koba. Deqa e ni biŋimosim ino ñam soqtonum. Ijo anjam e na tamo uŋgasari naŋgi minjreqnum qaji di ni na tamo powo ti unub qaji naŋgi qa ulitoqnsimqa tamo aŋgro du du bul naŋgi segi qa babteqnam naŋgi poinjreqnu. O Abu, ni degsim yeqnum di kere. Ni ino segi areqalo dauryosim agi degyeqnum.”
Onaqa Yesus na minjej, “Mandam endeqa mandor kokba naŋgi na tamo taqatnjreqnub e naŋgi unub dego sai. E mandam endeqaji mandor sai. Tamo e na taqatnjreqnum qaji naŋgi dego mandam endeqaji tamo sai. E mandam endeqaji mandor qamu Juda tamo kokba naŋgi e ojeqnab qamu ijo wau tamo naŋgi ti qotonub qamu.”
O ijo was niŋgi nuŋgo segi segi jejamu geregere taqatosib Qotei aqa tamo uŋgasari naŋgi dego geregere taqatnjroqniye. Qotei aqa tamo uŋgasari naŋgi kaja bul. Qotei na aqa segi Ŋiri Yesus Kristus aqa leŋ na naŋgi awainjrej. Deqa niŋgi na naŋgi geregere taqatnjroqnsibqa naŋgo mandor bole soqniye. Wau di Qotei aqa Mondor na niŋgi eŋgej.
Qotei aqa segi powo na a endegsi qalieej. Tamo naŋgi mandam endeqa powo ti unub qaji naŋgo powo dena naŋgi Qotei qalieqa keresai. Qotei a degsi qalieosiq deqa a na tamo uŋgasari naŋgi oqajqa gam bei endegsi osornjrej. Anjam iga palonteqnum qaji di tamo naŋgi nanari qa mareqnub. Ariya tamo uŋgasari naŋgi anjam di qusib Qotei qa naŋgo areqalo siŋgilatqab gam dena qujai a na naŋgi oqas.
Deqa was qu, iga bati gaigai niŋgi qa osim gago Qotei endegsi pailyeqnum, “O Abu, ni na Tesalonaika Kristen naŋgi aqaryainjroqnimqa kumbra kalil ni nami naŋgi dauryqa metnjrem qaji di naŋgi dauryoqnibqa ni unsim minjrqam, ‘Niŋgi keretonub.’ O Abu, ni na naŋgi siŋgilatnjrimqa kumbra bole kalil naŋgi yqajqa arearetnjreqnu qaji di naŋgi yoqnqab. Osib Yesus qa naŋgo areqalo siŋgilatoqnsib aqa wau geregere ojqab.” O was qu, iga degsim niŋgi qa Qotei pailyeqnum.
Gulube kalil di nuŋgoq di branteqnu deqa iga endegsi poigwo, Qotei a kumbra tiŋtiŋ na gago une qa iga pegigeqnu. Niŋgi jaqatiŋ eqnub di aqa utru agiende. Qotei a nuŋgo Mandor Koba sosim niŋgi taqatŋgwajqa deqa. Osim a na niŋgi tulaŋ keretŋgwas. Yim deqa niŋgi aqa tamo boledamu soqnib a nuŋgo Mandor Koba sosim niŋgi taqatŋgwas.
O ijo was bole, niŋgi quiye. Qotei a tamo iŋgi iŋgi saiqoji unub qaji naŋgi qa osiqa giltnjrej. Yim naŋgi a qa naŋgo areqalo siŋgilaboletibqa a na naŋgi taqatnjrsim naŋgo Mandor Koba sqajqa deqa. Agi Qotei a nami endegsi marej, “Tamo uŋgasari e qalaqalaibeqnub qaji naŋgi e na taqatnjrsiy naŋgo Mandor Koba sqai.” Ariya mandam endeqaji tamo uŋgasari naŋgi mareqnub, “Tamo iŋgi iŋgi saiqoji unub qaji naŋgi tamo uge.”
ကြော်ငြာတွေ