Luk 12:19 - Yesus Aqa Anjam Bole

¹⁹ Jugeleŋosiy marqai, “Ijo iŋgi iŋgi tulaŋ koba agi atonum unu. Deqa e aqaratosiy laŋa awesqai. Ijo iŋgi ti ya ti uyoqnsiy areboleboleibim sqai. E wausau gargekoba laŋa sqai ijo iŋgi di koboqasai.” ’

Luk 12:19 ပူးပေါင်းရင်းမြစ်များ

Luk 12:18

Osiqa marej, ‘E endegyqai. E na ijo tal kalil koŋeleŋosiy olo tal kokba ateleŋqai. Osiy ijo iŋgi meli kalil di tal kokbaq dia jugwai. Ijo ñoro kalil dego dia jugeleŋqai.

Luk 16:19

Yesus a anjam degsi minjrsiq koboonaqa olo anjam bei endegsi minjrej, “Ñoro tamo bei soqnej. A bati gaigai gara bole bole jugoqnsiqa tulaŋ areboleboleiyeqnaqa iŋgi bole bole uyoqnsiq soqnej.

Luk 21:34

Osiqa Yesus a olo anjam endegsi minjrej, “Niŋgi geregere ŋam atsib soqniye. Niŋgi ya uge uyoqnsib nanarioqnqajqa are prugŋgoqnaiq. Nuŋgo segi jejamu qa iŋgi iŋgi qa areqalo kobaiyoqnaib. Niŋgi kumbra uge kalil deqaji yoqnibqa e urur mandamq aisiy niŋgi pruqtŋgo uge.

1 Korin 15:32

E mandam tamo naŋgo areqalo dauryosim Efesus qureq dia wagme juwaŋ naŋgi ti qotoqnem qamu kumbra dena e kiersim aqaryaibqas? Tamo moreŋeb qaji naŋgi olo subq na tigelqasai anjam di bole qamu iga endegsi maronum qamu, “Iga nebe moiqom kio deqa uŋgum, iga alaŋoqnsim gago segi jejamu qa areboleboleigoqnim iŋgi ti ya ti uyoqnqom.” Degsi maronum qamu.

Filipai 3:19

Tamo naŋgi di naŋgo segi jejamu qa are qaloqnsib dauryeqnub. Naŋgo areqalo di naŋgo gisaŋ qotei bul ateqnub. Naŋgi bati gaigai mandam qa iŋgi iŋgi oqajqa are tulaŋ prugnjreqnu. Naŋgi jemai kumbra yqajqa tulaŋ areboleboleinjreqnu. Deqa mondoŋ tamo naŋgi di ŋamyuoq di torei padalqab.

1 Timoti 5:6

Ariya uŋa qobul qudei naŋgi naŋgo segi jejamu qa areqalo uge uge dauryeqnub. Deqa naŋgi moiobule-junub.

1 Timoti 6:17

O Timoti, ni na tamo naŋgi mandam qa silali ti ñoro ti ejunub qaji naŋgi endegsim minjroqne. Niŋgi diqosib nuŋgo segi ñam soqtaib. Nuŋgo ñoro di urur koboqas deqa niŋgi ñoro deqa are siŋgilataib. Niŋgi Qotei qa nuŋgo areqalo siŋgilatosib soqniye. Qotei agi a na iŋgi bole bole kalil iga egeqnaqa iga oqnsim areboleboleigeqnu.

2 Timoti 3:4

Naŋgi naŋgo segi kadoi naŋgi ugeugeinjroqnqab. Osib naŋgo segi areqalo nanari urur dauryoqnsib naŋgo segi ñam soqtoqnsib mandam qa iŋgi iŋgi qa tulaŋ areboleboleinjroqnqas. Naŋgi Qotei qa arearetnjroqnqasai.

Jems 5:5

Niŋgi mandamq endia sosibqa gara bole bole jugoqnsib nuŋgo segi jejamu qa areboleboleiŋgeqnaqa iŋgi koba uyeqnub. Deqa kaja du du naŋgo jejamu diq diqeqnaq naŋgo mandor naŋgi na ñumeqnub dego kere mondoŋ Qotei na niŋgi dego luŋgwas.

1 Pita 4:3

Niŋgi nami nuŋgo areqalo namij na walweloqnsib kumbra uge uge sawa bei bei qaji tamo naŋgi yqajqa tulaŋ arearetnjreqnu qaji di yoqneb. Sawa bei bei qaji tamo naŋgo kumbra uge agiende. Naŋgi sambala kumbra yeqnub. Osib kumbra uge uge yqajqa are prugnjreqnu. Qolo jigeeqnaqa naŋgi ya uge uyoqnsib alaŋkobai-yoqnsibqa nanarioqnsib laqnub. Osib Qotei aqa dal anjam gotraŋyoqnsib gisaŋ qotei naŋgi biŋinjreqnub.

Uli Anjam 18:7

A na aqa segi ñam soqtoqnsiqa sambalaosiq laqnsiqa kumbra uge uge yeqnu. Niŋgi aqa kumbra deqa keretosib a jaqatiŋ koba yibqa a akamugetqas. A segi mareqnu, ‘E mandor koba. E ijo segi awo jaram kobaq di awejunum. E uŋa qobul sai. Gulube bei ijoq bqa keresai. Deqa e akamqasai.’