Luk 12:17 - Yesus Aqa Anjam Bole

¹⁷ Deqa a endegsi are qalej, ‘E kierqai? Ijo iŋgi tulaŋ koba melieleŋqo. Deqa e iŋgi di atqajqa tal keresaiibqo.’

Luk 12:17 ပူးပေါင်းရင်းမြစ်များ

Matyu 16:7

Onaqa Yesus aqa aŋgro naŋgi aqa anjam di qusibqa segi segi maroqneb, “Iga bem osai deqa kio mergwo?”

Matyu 5:42

Tamo bei na ino iŋgi bei yaimqajqa mermimqa ye. Tamo bei na ino iŋgi bei yaimosim bunuqna a kamba olo ni emqajqa mermimqa a qoreiyaim. Laŋa ye.”

Luk 10:25

Onaqa dal anjam qalie tamo bei a Yesus aqa siŋgila laŋa unqa osiqa deqa Yesus gisaŋyosiq minjej, “O Qalie Tamo Koba, e kumbra bole kie dauryosiyqa dena e ŋambile gaigai sqai?”

Luk 11:41

Deqa iŋgi iŋgi kalil nuŋgo are miligiq di unu qaji di niŋgi eleŋosib tamo iŋgi iŋgi saiqoji unub qaji naŋgi enjroqniye. Niŋgi kumbra degyibqa nuŋgo iŋgi iŋgi kalil milalesqas.

Luk 12:16

Osiqa yawo anjam bei endegsi minjrej, “Ñoro tamo bei soqnej. Aqa wauq dia iŋgi tulaŋ koba melioqnej.

Luk 12:18

Osiqa marej, ‘E endegyqai. E na ijo tal kalil koŋeleŋosiy olo tal kokba ateleŋqai. Osiy ijo iŋgi meli kalil di tal kokbaq dia jugwai. Ijo ñoro kalil dego dia jugeleŋqai.

Luk 12:22

Yesus a yawo anjam degsi marsiq koboonaqa a na aqa aŋgro naŋgi endegsi minjrej, “Deqa e niŋgi endegsi merŋgwai. Niŋgi mandamq endia nuŋgo segi jejamu bole sqajqa deqa areqalo kobaiyaib. Osib endegsib maraib, ‘Iga iŋgi qabe na osim uyqom? Gara qabe na osim gago jejamu kabutqom?’ Niŋgi degsib maraib.

Luk 12:29

Niŋgi endegsib maraib, ‘Iga iŋgi ti ya ti qabe na osim uyqom?’ Osib niŋgi areqalo kobaiyaib.

Luk 12:33

Deqa niŋgi kumbra endegyiye. Niŋgi nuŋgo ñoro kalil qariŋyosib silali osib tamo iŋgi iŋgi saiqoji unub qaji naŋgi di jeisi enjriye. Osib silali jugwajqa quŋ ugeosaieqnu qaji di gereiyiye. Osib laŋ qure qa iŋgi iŋgi eleŋosib di jigeleŋoiye. Iŋgi iŋgi di koboqa keresai. Bajiŋ tamo naŋgi bosib oqasai. Sisimbiŋ na ugetqasai. Iŋgi iŋgi di gaigai sqas.

Luk 16:3

“Onaqa ñoro taqato tamo di a segi are qalej, ‘E kierqai? Ijo tamo koba a na e kobotbqas. E siŋgila saiqoji. Deqa e wau bei yqa keresai. E tamo qudei naŋgi minjrit silali laŋa ebqab e jemaibqas.

Luk 16:9

“Deqa e niŋgi endegsi merŋgwai. Niŋgi mandam qa ñoro na tamo uŋgasari naŋgi aqaryainjroqnibqa naŋgi na niŋgi kadoiŋgwab. Osib bunuqna mandam qa ñoro kalil koboamqa naŋgi na niŋgi joqsib tal gaigai sqas qaji dia niŋgi geregereiŋgoqnqab.

Luk 18:22

Degsi minjnaqa qusiqa kamba minjej, “Ni dal anjam kalil dauryosim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Osim bunuqna ni laŋ qureq dia awai bole itqam.”

Luk 19:17

Onaqa aqa tamo koba na minjej, ‘Ni wau tamo bolequja. Ni wau kiñala geregere taqatonum deqa e na qure kokba 10-pela olo ino baŋq di uratitqa ni na taqatnjroqnqam.’

Luk 3:11

Onaqa Jon na minjrej, “Ni gara aiyel soqnimqa bei osim tamo gara saiqoji unu qaji di ye. Ni iŋgi koba ti soqnimqa iŋgi qudei osim tamo iŋgi saiqoji unu qaji di ye.”

Aposel 2:37

Onaqa naŋgi Pita aqa anjam di qunabqa anjam dena naŋgo are qametnjrej. Deqa naŋgi na Yesus aqa aŋgro naŋgi Pita ombla minjreb, “O gago was niŋgi na mergiye. Iga kieronamqa Qotei na iga eleŋamqa iga padalqasai?”

Rom 12:13

Qotei aqa segi tamo uŋgasari qudei naŋgi iŋgi qa truquoqnibqa niŋgi na naŋgi aqaryainjroqniye. Tamo laŋaj naŋgi dego nuŋgo meq boqnibqa naŋgi oqnsib geregereinjroqniye.

1 Timoti 6:17

O Timoti, ni na tamo naŋgi mandam qa silali ti ñoro ti ejunub qaji naŋgi endegsim minjroqne. Niŋgi diqosib nuŋgo segi ñam soqtaib. Nuŋgo ñoro di urur koboqas deqa niŋgi ñoro deqa are siŋgilataib. Niŋgi Qotei qa nuŋgo areqalo siŋgilatosib soqniye. Qotei agi a na iŋgi bole bole kalil iga egeqnaqa iga oqnsim areboleboleigeqnu.

1 Jon 3:16

Yesus a aqa segi ŋambile uratosiq iga qa moiej. Aqa kumbra dena a na iga qalaqalaiyo kumbra osorgej. Deqa iga dego gago Kristen was naŋgi qa are qalsim gago segi ŋambile uratosim naŋgi qa moreŋqom.