Luk 11:31 - Yesus Aqa Anjam Bole

³¹ Mondoŋ Qotei na tamo uŋgasari naŋgo une qa peginjrqa batiamqa uŋa kobaquja nami guta di sawa taqatoqnej qaji a tigelosimqa tamo uŋgasari bini bati endeqa unub qaji naŋgo kumbra uge boleq atetnjrqas. Di kiyaqa? Uŋa di a nami Solomon aqa powo kobaquja qa marsiqa sawa isaq na walwelosi bej deqa. Ariya bini tamo bei Solomon tulaŋ buŋyejunu qaji a nuŋgo ambleqsi unu.” Yesus a a segi qa anjam degsi marej.

Luk 11:31 ပူးပေါင်းရင်းမြစ်များ

Matyu 12:42

Mondoŋ Qotei na tamo uŋgasari naŋgo une qa peginjrqa batiamqa uŋa kobaquja nami guta di sawa taqatoqnej qaji a tigelosimqa tamo uŋgasari bini bati endeqa unub qaji naŋgo kumbra uge boleq atetnjrqas. Di kiyaqa? Uŋa di a nami Solomon aqa powo kobaquja unqa marsiqa sawa isaq na walwelosi bej deqa. Ariya bini tamo bei Solomon tulaŋ buŋyejunu qaji a nuŋgo ambleqsi unu.” Yesus a a segi qa naŋgi anjam degsi minjrej.

Luk 3:22

Laŋ waqonaqa Qotei aqa Mondor binoŋ bulosiq laŋ goge dena aisiqa Yesus aqa jejamuq di awoej. Awoonaqa laŋ goge dena Qotei na Yesus metonaqa aqa kakoro quej. A na endegsi minjnaq quej, “Ni ijo segi aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Luk 9:35

Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e segi na giltem qaji. Niŋgi aqa anjam quetoqniye.”

Rom 2:27

Bole, niŋgi Juda tamo deqa niŋgi dal anjam ejunub. Niŋgi muluŋ dego aieqnub. Ariya niŋgi dal anjam gotraŋyoqnqab di tamo naŋgi muluŋ aiosaieqnub qaji naŋgi nuŋgo jejamuq di anjam qametŋgwab. Di kiyaqa? Naŋgi Qotei aqa dal anjam dauryeqnub deqa. Naŋgi segi muluŋ aiosai di uŋgum.

Hibru 11:7

Noa a dego Qotei qa aqa areqalo siŋgilatej. Deqa Qotei na minjej, “E bunuqna awa qariŋyit bosim mandam kalil keretqas. Deqa ni qobuŋ qujai gereiyime.” Ariya Noa a Qotei aqa anjam di aqa damu unosaisosiqa a Qotei aqa anjam di dauryosiqa aqa uŋa ti aqa aŋgro ti naŋgi padalaib deqa qobuŋ qujai gereiyej. A Qotei qa aqa areqalo siŋgilatej deqa a na tamo uŋgasari kalil mandamq di soqneb qaji naŋgo kumbra uge ubtsiq minjroqnej. A Qotei qa aqa areqalo siŋgilatosiq qobuŋ gereiyej deqa Qotei na a tamo bole une saiqoji qa minjej. Agi Qotei na tamo kalil a qa naŋgo areqalo siŋgilateqnub qaji naŋgi tamo bole une saiqoji qa minjreqnu.