Luk 10:33 - Yesus Aqa Anjam Bole

^33-34 “Ariya olo sokiñalayonaq Samaria tamo bei a dego gam dena walwelosiq gilej. Juda naŋgi mareqnub, ‘Samaria naŋgi tamo uge.’ A gilsiq tamo di unsiqa a qa tulaŋ dulosiqa aqa areq gilsiqa goreŋ ti wain ti osiq aqa jejamu pupoiyeleŋeb qaji di yanseleŋosiqa qoseleŋetej. Osiqa a soqtosiqa aqa donki quraq di atsiqa osi gilsiqa tamo ŋereŋo qaji talq dia gereiyosiq taqatoqnej.

Luk 10:33 ပူးပေါင်းရင်းမြစ်များ

Matyu 10:5

Osiqa aŋgro 12-pela naŋgi di qariŋnjrsiqa minjrej, “Niŋgi qure qureq giloqniye. Ariya niŋgi tamo sawa bei bei qaji naŋgoq giloqnaib. Samaria naŋgo qureq dego giloqnaib.

Matyu 18:33

E ni qa are ugeibqoqa silali di kobotonum. Ariya kiyaqa ni olo gilsim ino wau qujai a qa are ugeimosaiqoqa silali a na nami yaimej qaji di ni kobotosai?’

Luk 10:32

Onaqa sokiñalayonaq Juda tamo bei a dego gam dena walwelosiq gilej. A Livai aqa leŋ. A Qotei aqa atra tal taqatoqnej qaji. A gam dena walwelosiq tamo di gam qalaq di ŋeiesonaq unsiqa a dego tamo di aqaryaiyqa uratosiqa gam qala beiq na buŋyosiqa walwelosi gilej.

Luk 7:13

Onaqa Tamo Koba Yesus a uŋa di unsiqa a qa tulaŋ dulosiqa minjej, “Ni akamaim.”

Jon 4:9

Onaqa Samaria uŋa dena Yesus kamba minjej, “Ni Juda tamo. E Samaria uŋa. Deqa ni kiyaqa e merbonum, ‘Ya gambaŋ tigsim e anaibe’?” Uŋa a na degsiqa Yesus minjej. Di kiyaqa? Juda naŋgi Samaria naŋgi ti koba na anjam marosaieqnub deqa.

Jon 8:48

Onaqa Juda naŋgi Yesus aqa anjam di qusibqa minjeb, “Iga bole maronum, ni Samaria qaji tamo. Mondor uge inoq di unu.”