Luk 10:28 - Yesus Aqa Anjam Bole

²⁸ Onaqa Yesus na minjej, “Ni kere maronum. Deqa ni kumbra di yoqnqam dena ni ŋambile oqam.”

Luk 10:28 ပူးပေါင်းရင်းမြစ်များ

Matyu 19:17

Onaqa Yesus na kamba minjej, “Ni kiyaqa e kumbra bole qa nenembonum? Qotei a segi qujai tamo bole. Ariya ni que. Ni ŋambile gaigai sqa osimqa ni Qotei aqa dal anjam daurye.”

Mak 12:34

Dal anjam qalie tamo di a tulaŋ poiyonaqa anjam degsi marnaqa Yesus a qusiqa minjej, “Ni anjam tulaŋ boledamu maronum. Deqa sokiñalayimqa Qotei a ni taqatmosim ino Mandor Koba sqas.” Onaqa tamo uŋgasari naŋgi olo anjam bei Yesus nenemyqajqa ulaeb.

Luk 7:43

Onaqa Saimon na minjej, “E are qalonum, tamo 100 kina ej qaji a tamo deqa tulaŋ are boledamuiyqas. Tamo 10 kina ej qaji a tamo deqa tulaŋ are boledamuiyqasai.” Onaqa Yesus na Saimon minjej, “Ni kere maronum.”

Rom 10:4

Iga qalie, Kristus na Moses aqa dal anjam kalil keretekritej. Aqa kumbra dena tamo uŋgasari kalil a qa naŋgo areqalo siŋgilateqnub qaji naŋgi Qotei aqa ŋamgalaq di tamo bole une saiqoji sqab.

Rom 3:19

Iga qalie, Moses a dal anjam neŋgreŋyej di tamo naŋgi dal anjam aqa sorgomq di unub qaji naŋgi qa osiq deqa neŋgreŋyej. Deqa tamo bei a endegsi marqa keresai, “E tamo bole. E une saiqoji.” A degsi marqa keresai. Iga tamo uŋgasari kalil sawa sawa kalilq di unum qaji iga Qotei aqa ŋamgalaq di une ti unum.

Rom 7:10

Onaqa dena e moiem. Dal anjam aqa wau utru agi tamo naŋgi ŋambile enjrqajqa. Ariya e dal anjam dena ŋambile osai. Dal anjam na e moiotbej.

Galesia 3:12

Dal anjam dauryqajqa kumbra ti Qotei qa gago areqalo siŋgilatqajqa kumbra ti di ombla kerekere sai. Naŋgi utru segi segi. Agi Qotei aqa anjam bei nami endegsib neŋgreŋyeb unu, “Tamo a dal anjam kalil torei dauryekritosim di a ŋambile sqas.”